الماتىدا قۋاتى 80 مۆت بولاتىن قوسالقى ەلەكتر ستانتسياسى سالىنىپ جاتىر. بۇل تۋرالى الماتى اكىمدىگى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ەلەكترمەن جابدىقتاۋ سالاسىن مودەرنيزاتسيالاۋ ءۇشىن 200 مىڭ تۇتىنۋشىنى قامتيتىن ەلەكتر قوسالقى ستانتسياسىنىڭ قۇرىلىسى جۇرگىزىلىپ جاتىر.
«2024 جىلدىڭ قىركۇيەگىندە قۋاتى 80 مۆت بولاتىن «تۇزدى باستاۋ» قوسالقى ستانتسيانىڭ قۇرىلىسىن اياقتاۋ جوسپاردا. ايتا كەتەرلىگى، سەنىمدى جانە ۇزدىكسىز ەلەكترمەن جابدىقتاۋدى قامتاماسىز ەتۋ ءۇشىن الماتى قالاسىنىڭ اكىمى ەربولات دوساەۆتىڭ تاپسىرماسى بويىنشا 2040 جىلعا دەيىنگى پەرسپەكتيۆامەن الماتى قالاسىنىڭ ەلەكتر جەلىلەرىن دامىتۋدىڭ 2030 جىلعا دەيىنگى سىزباسىنىڭ جوباسى ازىرلەندى»، - دەپ حابارلادى اكىمدىكتەن.
وعان كابەلدىك جەلىلەردى، ترانسفورماتورلىق قوسالقى ستانتسيالاردى، جابىق تاراتۋ قۇرىلعىلارىن سالۋ جانە رەكونسترۋكتسيالاۋ كىرەدى.
الماتى مەن قالاعا قوسىلعان اۋماقتاردى ەلەكترمەن جابدىقتاۋ سىزباسىن ازىرلەۋ قوسىمشا ەلەكتر قۋاتىن قوسۋ بويىنشا تاپشىلىقتى جويۋعا، باس جوسپارعا سايكەس قالانىڭ دامۋىن قامتاماسىز ەتۋگە مۇمكىندىك بەرەدى.
«جوبانى ىسكە اسىرعاننان كەيىن توزعان جەلىلەردىڭ ازايۋىنا بايلانىستى تۇتىنۋشىلاردى ەلەكترمەن جابدىقتاۋ سەنىمدىلىگىن ارتتىرۋ كوزدەلگەن. الماتى قالاسى بويىنشا ەلەكتر جەلىلەرىنىڭ ۇزىندىعى – 8,6 مىڭ كم، ال ەلەكتر جەلىلەرىنىڭ توزۋى 65%»،- دەلىنگەن اكىمدىك تاراتقان حابارلامادا.
