قازاقستاندا 4 كۇندىك جۇمىس اپتاسى 2023 جىلدىڭ شىلدە ايىنان باستاپ ەنگىزىلەدى، دەپ حابارلايدى "ادىرنا" ۇلتتىق پورتالى ەلەكتروندى ۇكىمەت پورتالىنا cىلتەمە كورسەتە وتىرىپ.
مۇنداي وزگەرىستەر 1 شىلدەدەن باستاپ "قازاقستان رەسپۋبليكاسىنىڭ كەيبىر زاڭنامالىق اكتىلەرىنە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىندا قابىلدانعان ەڭبەك كودەكسىنە ەنگىزىلەدى.
تك-عا سايكەس بەس كۇندىك نەمەسە التى كۇندىك جۇمىس اپتاسى، سونداي-اق تولىق ەمەس جۇمىس اپتاسى قاراستىرىلعان (اپتانىڭ قانشا كۇنى بولاتىنى، ۇزاقتىعى قوس تاراپتىڭ ورتاق كەلىسىمى بويىنشا بەلگىلەنەدى).
"قوس تاراپتىڭ كەلىسىمى بويىنشا ەڭبەك شارتىندا بەس كۇندىك نەمەسە التى كۇندىك جۇمىس اپتاسىمەن كەزەكتەسۋ قۇقىعىمەن ءتورت كۇندىك جۇمىس اپتاسىن بەلگىلەۋگە جول بەرىلەدى...
ۇستەمە جۇمىستاردىڭ جالپى ۇزاقتىعى جۇمىس ۋاقىتىنىڭ جيىنتىق ەسەبىن بەلگىلەۋ كەزىندە ايىنا ون ەكى ساعاتتان - ءتورت كۇندىك، بەس كۇندىك جانە التى كۇندىك جۇمىس اپتاسىندا جانە جىلىنا ءجۇز جيىرما ساعاتتان اسپاۋعا ءتيىس».
تيىسىنشە، 84-باپتا ءتورت كۇندىك جۇمىس رەجيمىندە دەمالىس كۇندەرى بەلگىلەنەدى.
بەس كۇندىك، التى كۇندىك نەمەسە ءتورت كۇندىك جۇمىس اپتاسىندا جالپى دەمالىس كۇنى جەكسەنبى بولىپ سانالادى. بەس كۇندىك جانە (نەمەسە) ءتورت كۇندىك جۇمىس اپتاسىنداعى ەكىنشى نەمەسە ءۇشىنشى دەمالىس كۇنى ۇجىمدىق شارتتا نەمەسە ەڭبەك ءتارتىبىنىڭ ەرەجەلەرىندە بەلگىلەنەدى.
زاڭگەرلەردىڭ پىكىرىنشە، بەس كۇندىك جۇمىس كەستەسىمەن جۇمىس ىستەۋدىڭ ءبىر اپتاسى، ءتورت كۇندىك جۇمىس اپتاسىمەن ەكىنشى اپتا سياقتى جۇمىس رەجيمىن قولدانۋعا بولادى. بۇل تاجىريبە كەڭسە قىزمەتكەرلەرىنە قولدانىلادى جانە ەڭبەك سالاسىنداعى حالىقارالىق ستاندارتتارعا سايكەس كەلەدى.
"ادىرنا" ۇلتتىق پورتالى
