قازاقستان پرەزيدەنتى قاسىم-جومارت توقاەۆ مەملەكەتتىك باسقارۋ جۇيەسىن جەتىلدىرۋگە باعىتتالعان زاڭدارعا قول قويدى. بۇل تۋرالى اقوردانىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
"مەملەكەت باسشىسى "قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا قازاقستان رەسپۋبليكاسىنداعى اكىمشىلىك رەفورما ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ كونستيتۋتسيالىق زاڭىنا، سونداي-اق "قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسىنداعى اكىمشىلىك رەفورما ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى", - دەلىنگەن جارلىقتا.زاڭدار ورتالىق مەملەكەتتىك ورگانداردىڭ وكىلەتتەرىن ورتالىقسىزداندىرۋ ارقىلى مەملەكەتتىك باسقارۋ جۇيەسىن جەتىلدىرۋگە باعىتتالعان.
"اتاپ ايتقاندا، ۇكىمەتتىڭ قۇرىلىمدىق جانە ينۆەستيتسيالىق ساياساتتى ىسكە اسىرۋ، مادەنيەتتى، ءبىلىم بەرۋدى، دەنساۋلىق ساقتاۋدى، ءتۋريزمدى جانە سپورتتى دامىتۋ جونىندەگى مەملەكەتتىك ساياساتتى قالىپتاستىرۋ، سونداي-اق پرەمەر-مينيستر كەڭسەسىنىڭ مەملەكەتتىك اپپاراتقا قايتا قۇرىلۋىنا بايلانىستى قۇزىرەتى; ت.ب. الىنىپ تاستالادى. زاڭ ورتالىق مەملەكەتتىك ورگانداردان جەرگىلىكتى اتقارۋشى ورگاندارعا جەرگىلىكتى ماڭىزى بار ماسەلەلەردى شەشۋگە باعىتتالعان 21 فۋنكتسيانى بەرەدى", - دەلىنگەن سەنات سايتىندا.
ۇقساس جاڭالىقتار
