پرەزيدەنتتىككە كانديدات قاسىم-جومارت توقاەۆتىڭ رەسپۋبليكالىق قوعامدىق شتابىنىڭ سايلاۋشىلارمەن كەزدەسۋى قىزىلوردا وبلىسىندا جالعاستى.
ماسەلەن، كاسىپكەرلەرمەن جانە اگرارلىق سەكتوردىڭ وكىلدەرىمەن بولعان كەزدەسۋدە رقش مۇشەلەرى وڭىرلەردەگى كولىك جانە الەۋمەتتىك ينفراقۇرىلىمدى دامىتۋ ماسەلەلەرىن تالقىلادى.
«ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» دەپ اتالاتىن سايلاۋالدى باعدارلاماعا سايكەس، الداعى 7 جىلدا رەسپۋبليكالىق ماڭىزى بار 8 مىڭ شاقىرىم جانە وبلىستىق، اۋداندىق ماڭىزى بار 14 مىڭ شاقىرىم اۆتوجولدىڭ ساپالى سالىنۋى مەن جوندەلۋىن قامتاماسىز ەتىلەدى. سونداي-اق، بارلىق رەسپۋبليكالىق جانە نەگىزگى وبلىستىق اۆتوجولدار ساپالى ۇيالى جانە ينتەرنەت-بايلانىسپەن قامتىلادى»، – دەدى رەسپۋبليكالىق قوعامدىق شتابتىڭ باسشىسى ەرلان قوشانوۆ.
باعدارلامادا الەۋمەتتىك ينفراقۇرىلىمعا ەرەكشە كوڭىل ءبولىندى. وقۋعا قولايلى جاعدايى بار 1,5 ملن وقۋشى ورنى ەنگىزىلەدى. جىل سايىن شاعىن قالا، اۋدان ورتالىعى مەن اۋىلداعى كەمىندە مىڭنان استام مەكتەپ زامان تالابىنا ساي جاڭارتىلادى.
سونىمەن قاتار، اۋىلدىق جەردە جاڭا جابدىقپەن جاراقتالعان، بىلىكتى مەديتسينا قىزمەتكەرىنەن جاساقتالعان 700 جاڭا مەديتسينالىق نىسان اشىلادى.
وسى كۇنى قىزىلورداداعى جىلۋ ەلەكتر ورتالىعىنىڭ ۇجىمىمەن كەزدەسۋ ءوتتى. كەزدەسۋ بارىسىندا رقش مۇشەلەرى كانديدات ۇسىنعان كوممۋنالدىق شارۋاشىلىق سالاسىنداعى رەفورمالار تۋرالى ايتتى.
ىستىق سۋمەن جابدىقتاۋ جانە سۋ تارتۋ جەلىلەرىنىڭ توزۋ كورسەتكىشى كەزەڭ-كەزەڭىمەن 40%-عا دەيىن تومەندەيدى. بارلىق وڭىردە تۇرعىن ءۇي-كوممۋنالدىق ينفراقۇرىلىم جاڭعىرتىلادى. سونداي-اق، كانديداتتىڭ سايلاۋالدى باعدارلاماسىندا «ينۆەستيتسيا ءۇشىن تاريف» قاعيداتى بويىنشا تكش سالاسىنا جاڭا ينۆەستيتسيا تارتۋ كوزدەلۋدە.
رقش مۇشەلەرى ايتىسكەرلەرمەن اڭگىمەلەسىپ، مادەنيەت پەن ونەر سالاسىنداعى ماسەلەلەردى تالقىلادى. قاسىم-جومارت توقاەۆ ۇسىنعان ادىلدىك، تۇراقتىلىق قۇندىلىقتارى بارشا قازاقستاندىقتاردى بىرىكتىرەدى، دەيدى ايتىس اقىندارى.
اڭگىمەلەسۋ بارىسىندا ولار مادەنيەت پەن ونەردى دامىتۋعا، سونداي-اق قازاقستاندى حالىقارالىق ارەنادا بەيبىت، ىزگى ءارى تولەرانتتى مەملەكەت رەتىندە ىلگەرىلەتۋگە باعىتتالعان سايلاۋالدى باستامالاردى قولدايتىندارىن اتاپ ءوتتى.
قىزىلوردا وبلىسىنداعى بارلىق كەزدەسۋدە سايلاۋشىلار 20 قاراشادا وتەتىن پرەزيدەنت سايلاۋىندا قاسىم-جومارت توقاەۆتىڭ كانديداتۋراسىنا داۋىس بەرۋگە دايىن ەكەندەرىن جەتكىزدى.
قاسىم-جومارت توقاەۆتىڭ سايلاۋالدى باعدارلاماسىنىڭ تولىق ماتىنىمەن toqaev2022.kz. سايتىنان تانىسۋعا بولادى.
دايىنداعان: رەسپۋبليكالىق قوعامدىق شتاب استانا قالاسى، قوناەۆ 12/1.
تاپسىرىس بەرۋشى: م.ج. وسپانوۆ. قازاقستان رەسپۋبليكاسى پرەزيدەنتتىگىنە ۇمىتكەر ق.ك.توقاەۆتىڭ سايلاۋ قورىنان تولەندى.
"ادىرنا" ۇلتتىق پورتالى
