تۇڭعىش پرەزيدەنت نۇرسۇلتان نازارباەۆ تاۋەلسىزدىك العاننان بەرى قازاقستاندىقتاردىڭ تابىسى 9 ەسە وسكەنىن مالىمدەدى، دەپ حابارلايدى “ادىرنا” ۇلتتىق پورتالى Sputnik قازاقستان سايتىنا سىلتەمە جاساپ.
"حالىقتىڭ تابىسى توعىز ەسە ءوستى. ارينە، ءالى دە اقشاسى جەتپەيتىن، ومىردە ءوز ورنىن تابا الماعان ادامدار بار. بىراق تابىستىڭ توعىز ەسە وسكەنى بۇل – فاكت. ءبىز، اعا بۋىن مۇنىڭ نە ەكەنىن جاقسى تۇسىنەمىز جانە قازىر قيىن جاعدايدا جۇرگەن ادامداردىڭ تابىسى كوبەيگەنىن قالايمىز", - دەدى نازارباەۆ قحا-نىڭ 29-شى سەسسياسىندا.
ەلباسى تاۋەلسىزدىك جىلدارىندا جان باسىنا شاققانداعى جالپى ىشكى ءونىم 13 ەسە ارتقانىن اتاپ ءوتتى.
"مۇنى ايتۋ وڭاي، ارينە، بىراق تۇتاس ەلگە ون ءۇش ەسە ءوسىرۋ بۇل – ءسىز بەن ءبىزدىڭ ورتاق ەڭبەگىمىز. ءجىو وسى ۋاقىت ارالىعىندا ون ەسە ءوستى. كەڭەس وداعى قۇلاعاننان كەيىن قازاقستاندا ەكى ميلليوننان استام ادام جۇمىسسىز قالعانى ەسىمدە. سول كەزدە حالىقتىڭ 47 پروتسەنتى كەدەيلىك شەگىنەن دە تومەن دەڭگەيدە ءومىر ءسۇردى. بۇگىندە سول 47 پروتسەنت ون پروتسەنتتەن دە از. ال جۇمىسسىزدىق ءۇش ەسە، 4,5 پروتسەنتكە دەيىن قىسقاردى", - دەدى نازارباەۆ.
ەلوردادا تۇڭعىش پرەزيدەنت، قحا توراعاسى نۇرسۇلتان نازارباەۆتىڭ قاتىسۋىمەن قازاقستان حالقى اسسامبلەياسىنىڭ XXIX سەسسياسى ءوتىپ جاتىر.
اسسامبلەيانىڭ كەزەكتى سەسسياسىنىڭ كۇن تاقىرىبى "بىرلىكتىڭ، تاتۋلىق پەن كەلىسىمنىڭ 30 جىلى" دەپ اتالدى.
