اقىن، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى، «پاراسات» وردەنىنىڭ يەگەرى نەسىپبەك ايتۇلى دۇنيەدەن ءوتتى. بۇل تۋرالى ايتىسكەر اقىن داۋلەتكەرەي كاپۇلى Facebook پاراقشاسىندا جازدى، دەپ حابارلايدى “ادىرنا” ۇلتتىق پورتالى.
نەسىپبەك ايتۇلى ۇلتتىق ونەرىمىز بەن مادەنيەتىمىزدى وركەندەتۋگە سۇبەلى ۇلەس قوسىپ، رۋحانيات سالاسىنىڭ العا باسۋىنا كۇش-قايرات جۇمسادى. قازاقستان تاۋەلسىزدىگىنىڭ جىرشىسىنا اينالعان اقىننىڭ تارتىمدى تۋىندىلارى وقىرماندار تاراپىنان جوعارى باعاسىن الدى. ونەگەلى عۇمىر كەشىپ، سوڭىنا مول ادەبي-مادەني مۇرا قالدىرعان نەسىپبەك ايتۇلىنىڭ جارقىن بەينەسى ۇمىتىلمايدى. مارقۇمنىڭ يمانى سالامات، جانى ءجانناتتا بولسىن، – دەپ جازىلعان توقاەۆتىڭ جولداعان جەدەلحاتىندا.
نەسىپبەك ايتۇلى 1950 جىلى 22 قىركۇيەكتە تارباعاتاي تاۋىندا دۇنيەگە كەلگەن. 12 جاسىندا اتا-اناسىمەن بىرگە اتامەكەنىنە ورالادى. ورتا مەكتەپتى بۇرىنعى سەمەي وبلىسىنا قاراستى بارشاتاس اۋىلىندا وقىدى.
ەڭبەك جولىن شۇبارتاۋ اۋداندىق «جاڭا ءومىر» گازەتىندە باستاعان. 1974 جىلى قازاق مەملەكەتتىك ۋنيۆەرسيتەتىنىڭ جۋرناليستيكا فاكۋلتەتىن بىتىرگەن.
1974-1984 جج. «بالدىرعان» جۋرنالى پوەزيا ءبولىمىنىڭ مەڭگەرۋشىسى، «جالىن» باسپاسىندا رەداكتور، 1984-1994 جج. قازاقستان جازۋشىلار وداعىندا ادەبي كەڭەسشى، 1995-1996 جج. «اقىن» قاۋىمداستىعىنىڭ ديرەكتورى، 1997-2001 جج. «قازاق ادەبيەتى» گازەتىندە سىن ءبولىمىنىڭ، «جۇلدىز» جۋرنالىندا پوەزيا ءبولىمىنىڭ مەڭگەرۋشىسى بولىپ، 2001 جىلدان بەرى استاناداعى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە، پرەزيدەنتتىك مادەنيەت ورتالىعىندا قىزمەت ىستەگەن.
سونداي-اق، نەسىپبەك ايتۇلى ەكس-پرەزيدەنت نۇرسۇلتان نازارباەۆ تۋرالى “بايتەرەك” پوەماسىن جازدى.
