شىمكەنتتە بەلگىلى شايىر قازىبەك يسانىڭ شىعارماشىلىق كەشى ءوتتى

2355
Adyrna.kz Telegram

شىمكەنتتە بەلگىلى اقىن، قر پارلامەنتى ءماجىلىسىنىڭ دەپۋتاتى قازىبەك يسانىڭ “سىرىمدى ايتتىم دالاعا” اتتى شىعارماشىلىق كەشى ءوتتى، دەپ حابارلايدى "ادىرنا" ۇلتتىق پورتالى.

اقىننىڭ الپىس جىلدىق مەرەيتويىنا ارنالعان كەشكە قالامگەرلەر، مادەنيەت جانە ونەر قايراتكەرلەرى، جىرعا جانى اسىق وقىرمان قاۋىم قاتىستى. مادەني كەشكە كەلگەن كورەرمەندەر، الدىمەن، اقىن قازىبەك يسا جايلى "تاۋەلسىزدىككە وتىز جىل" اتتى دەرەكتى ءفيلمدى تاماشالادى. دەرەكتى فيلمدە قازىبەك يسانىڭ ونەگەلى ءومىرى جايلى باياندالىپ، قازاق ءتىلىنىڭ مارتەبەسىن نىعايتۋعا قوسقان ۇلەسى مەن ۇلتتىق مۇددەگە قاتىستى وي-پىكىرلەرى ءسوز ەتىلدى.

كەشتى اقىن، فيلولوگيا عىلىمدارىنىڭ دوكتورى، پروفەسسور، ۇلتتىق عىلىم اكادەمياسىنىڭ كوررەسپەنديا مۇشەسى باۋىرجان جاقىپ تىزگىندەدى. 

"تۇركىستان سارايىنداعى ۇلكەن سالتاناتتى تويعا جينالىپ وتىرمىز. قازاقتىڭ قارىمدى قالامگەرى، مەملەكەت جانە قوعام قايراتكەرى، پارلامەنت ءماجىلىسىنىڭ دەپۋتاتى قازىبەك يسانىڭ كەشىنە قوش كەلدىڭىزدەر", - دەدى باۋىرجان جاقىپ.

كەيىننەن حالقىنىڭ ىقىلاسىنا بولەنگەن اقىن قازىبەك يسانىڭ جىرلارىنان شاشۋ شاشىلىپ،  كورەرمەن كوڭىلىن ليريكالىق، جالىندى-پاتريوتتىق، رۋحتى جىرلارىمەن تەربەدى.   

كەش بارىسىندا قازاقتىڭ اياۋلى اقىن قىزى ءحانبيبى ەسەنقاراقىزى،  شىمكەنت قالاسى اكىمىنىڭ ورىنباسارى شىڭعىس مۇقان، "اق جول" پارتياسىنىڭ باسشىسى ازات پەرۋاشەۆ ءسوز الىپ، جىر كەشىنەن العان اسەرلەرىمەن ءبولىستى.

سونىمەن قاتار، مەرەيتويعا وراي تۋعان ولكەگە ارنايى كەلگەن قازىبەك يسا تۇركىستان ماقامدارى نەگىزىندە جارىق كورگەن «تەكتى ءسوزدىڭ تورەسى» تەرمەلەر جيناعىنىڭ تۇساۋىن كەستى.

"ادىرنا" ۇلتتىق پورتالى 

پىكىرلەر