قر پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋ رەسەي فەدەراتسياسىنا جۇمىس ساپارىمەن بارادى.
بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى "ادىرنا" ۇلتتىق پورتالى.
«2023 جىلعى 11 ساۋىردە رەسەي تاراپىنىڭ شاقىرۋىمەن قازاقستان رەسپۋبليكاسى پرەمەر-ءمينيسترىنىڭ ورىنباسارى – سىرتقى ىستەر ءمينيسترى مۇرات نۇرتىلەۋدىڭ رەسەي فەدەراتسياسىنا رەسمي ساپارى جوسپارلانىپ وتىر»، – دەدى ايبەك سمادياروۆ مينيسترلىكتە وتكەن ءباسپاسوز ءماسليحاتىندا.
ونىڭ ايتۋىنشا، ساپار بارىسىندا بىرنەشە كەلىسسوز جاسالماق.
«ساپار اياسىندا رەسەي فەدەراتسياسىنىڭ سىرتقى ىستەر ءمينيسترى سەرگەي لاۆروۆ جانە رەسەي پرەزيدەنتىنىڭ حالىقارالىق ىستەر جونىندەگى كومەكشىسى يۋري ۋشاكوۆپەن كەزدەسۋى مەن كەلىسسوزدەرى جوسپارلانۋدا. تاراپتار ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى ىنتىماقتاستىقتىڭ وزەكتى ماسەلەلەرىن، سونداي-اق وڭىرلىك جانە حالىقارالىق كۇن ءتارتىبى ماسەلەلەرى بويىنشا ءوزارا ءىس-قيمىلدى تالقىلايدى»، -دەيدى ول.
