الماتىلىق وقۋشى الەمنىڭ 20-دان استام ۋنيۆەرسيتەتىنە وقۋعا ءتۇستى. ول 10-سىنىپتا قىزۋ ولشەيتىن سەنسورى بار بالالارعا ارنالعان ورىندىق جاساپ شىعارعان، دەپ حابارلايدى “ادىرنا” ۇلتتىق پورتالى.
NUR.KZ ءتىلشىسىنىڭ مالىمەتىنشە، 18 جاستاعى دينارا قاليحان الماتىداعى رفمم تۇلەگى. ول الەمنىڭ 20 ۋنيۆەرسيتەتىنە وقۋعا تۇسكەن، سونىڭ ىشىندە لوندون كينگس كوللەدجى، كاليفورنيا ۋنيۆەرسيتەتى، فوردحەم ۋنيۆەرسيتەتى، بەنتلي ۋنيۆەرسيتەتى جانە ت.ب. ولاردىڭ بارلىعى اقش، انگليا، كانادا جانە ازيادا ورنالاسقان بەدەلدى ۋنيۆەرسيتەتتەر. دەگەنمەن، دينارا Google, Instagram نەگىزىن قالاۋشىلار، اقش-تىڭ 31 پرەزيدەنتى جانە ت.ب. وقىعان ستەنفورد ۋنيۆەرسيتەتىندە وقۋدى تاڭداعان.
“ستەنفورد – مەنىڭ ارمانداعان ۋنيۆەرسيتەتىم. مەن قوس ماماندىقتى تاڭدادىم: ەكونوميكا جانە ينفورماتيكا. ەڭ قيىنى مەكتەپتى، قابىلداۋ ەمتيحاندارىن، ستارتاپتاردى، سپورتتى جانە مۋزىكانى تەڭەستىرۋ بولدى. سوڭعى ەكى جىلدا مەن كۇنىنە ءتورت ساعات ۇيىقتادىم. ءتىپتى تۇنگى 12-دە جينالىپ، جوباعا بەينەبايان ءتۇسىرىپ، ونى بايقاۋعا جىبەرگەن كەزدەرىمىز دە بولدى. مەن STEM (عىلىم، تەحنولوگيا، ينجەنەريا جانە ماتەماتيكا – رەد) سالاسىنداعى 10-نان استام بايقاۋدىڭ جەڭىمپازىمىن جانە 30 جاسقا دەيىنگى ادامدارعا ارنالعان Forbes-قا كىردىم”، – دەيدى دينارا.
دينارا بوس ۋاقىتىندا سپورتپەن اينالىسادى، دومبىرا مەن پيانينودا وينايدى، تاەكۆوندودان قارا بەلبەۋ يەگەرى. سونىمەن قاتار، قىز عىلىمي سىناقتارداعى جانە سپورتتىق جارىستارداعى جەڭىستەرى ءۇشىن كوپتەگەن ماراپاتقا يە.
ودان بولەك، دينارا ماتەماتيكا جانە باعدارلامالاۋ بويىنشا 200-دەن استام ساباق وتكىزىپ، از قامتىلعان وتباسى بالالارىن وقىتۋعا كومەكتەسە باستادى.
⠀
