Almatylyq oqýshy álemniń 20-dan astam ýnıversıtetine oqýǵa tústi. Ol 10-synypta qyzý ólsheıtin sensory bar balalarǵa arnalǵan oryndyq jasap shyǵarǵan, dep habarlaıdy “Adyrna” ulttyq portaly.
NUR.KZ tilshisiniń málimetinshe, 18 jastaǵy Dınara Qalıhan Almatydaǵy RFMM túlegi. Ol álemniń 20 ýnıversıtetine oqýǵa túsken, sonyń ishinde London Kıngs kolledji, Kalıfornııa ýnıversıteti, Fordhem ýnıversıteti, Bentlı ýnıversıteti jáne t.b. Olardyń barlyǵy AQSh, Anglııa, Kanada jáne Azııada ornalasqan bedeldi ýnıversıtetter. Degenmen, Dınara Google, Instagram negizin qalaýshylar, AQSh-tyń 31 prezıdenti jáne t.b. oqyǵan Stenford ýnıversıtetinde oqýdy tańdaǵan.
“Stenford – meniń armandaǵan ýnıversıtetim. Men qos mamandyqty tańdadym: ekonomıka jáne ınformatıka. Eń qıyny mektepti, qabyldaý emtıhandaryn, startaptardy, sportty jáne mýzykany teńestirý boldy. Sońǵy eki jylda men kúnine tórt saǵat uıyqtadym. Tipti túngi 12-de jınalyp, jobaǵa beınebaıan túsirip, ony baıqaýǵa jibergen kezderimiz de boldy. Men STEM (ǵylym, tehnologııa, ınjenerııa jáne matematıka – red) salasyndaǵy 10-nan astam baıqaýdyń jeńimpazymyn jáne 30 jasqa deıingi adamdarǵa arnalǵan Forbes-qa kirdim”, – deıdi Dınara.
Dınara bos ýaqytynda sportpen aınalysady, dombyra men pıanınoda oınaıdy, taekvondodan qara belbeý ıegeri. Sonymen qatar, qyz ǵylymı synaqtardaǵy jáne sporttyq jarystardaǵy jeńisteri úshin kóptegen marapatqa ıe.
Odan bólek, Dınara matematıka jáne baǵdarlamalaý boıynsha 200-den astam sabaq ótkizip, az qamtylǵan otbasy balalaryn oqytýǵa kómektese bastady.
⠀
