اسا ءىرى مولشەردە ەسىرتكى ساتقان قىلمىسكەر 15 جىلدان كەيىن الماتىدا قولعا ءتۇستى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
اعىمداعى جىلدىڭ شىلدە ايىندا الماتى قالاسىندا ماڭعىستاۋ وبلىسى پوليتسيا دەپارتامەنتىنىڭ قىزمەتكەرلەرى الماتى قالاسى پوليتسيا دەپارتامەنتىنىڭ قىزمەتكەرلەرىمەن بىرگە 2006 جىلدان بەرى اسا ءىرى مولشەردە ەسىرتكى ساتقان دەگەن كۇدىكپەن ىزدەۋدە جۇرگەن 42 جاستاعى ەر ادامدى ۇستادى. 2004 جىلدىڭ 12 شىلدەسى كۇنى جوعارىدا اتالعان ادام الدىن الا كەلىسىم بويىنشا “ك” ەسىمدى ازاماتقا 30 كەلىدەن استام “ماريحۋانا” ساتقان.
ءتىنتۋ جۇرگىزۋ كەزىندە كۇدىكتىنىڭ ۋچاسكەسىنەن جالپى سالماعى 74 كەلىدەن اساتىن جەتى قاپ جانە ءبىر پوليەتيلەن “ماريحۋانا” پاكەتى تاركىلەنگەن. ال كۇدىكتى ادام قىلمىس جاسالعان جەردەن بەلگىسىز باعىتقا قاشىپ كەتكەن. پوليتسيا قىزمەتكەرلەرى العاشقى ىزدەستىرۋ شارالارىن جۇرگىزدى، سودان كەيىن كۇدىكتىگە ىزدەۋ جاريالاندى.
قازىرگى ۋاقىتتا كۇدىكتى ۋاقىتشا ۇستاۋ يزولياتورىنا قامالدى. قر قك 297-بابىنىڭ 4-بولىگى بويىنشا سوتقا دەيىنگى تەرگەۋ جۇرگىزىلۋدە. وزگە اقپارات تەرگەۋ مۇددەسىندە جاريا ەتىلمەيدى. كىنالىگە قاتىستى كىنانىڭ دارەجەسىن انىقتاي وتىرىپ، تۇپكىلىكتى شەشىم تەرگەۋ ناتيجەلەرى بويىنشا قابىلداناتىن بولادى.
– پوليتسيا قىزمەتكەرلەرى كۇدىكتىنى انىقتاۋ بويىنشا مۇقيات جانە تىڭعىلىقتى جۇمىستار جۇرگىزدى. ناتيجەسىندە 15 جىلدان كەيىن قىلمىسكەر قۇرىقتالىپ، قىلمىستىق ءىس قوزعالدى، – دەدى پد باستىعى جاناربەك باقتىباەۆ.
«ادىرنا» ۇلتتىق پورتالى
