قايتارىمسىز گرانت يەگەرلەرى ونىمدەرىن جارمەنكەدە ۇسىندى

2075
Adyrna.kz Telegram

بۇگىن شىمكەنتتە قايتارىمسىز گرانت يەگەرلەرىنىڭ ونىمدەرى ۇسىنىلعان كورمە-جارمەڭكە ءوتتى. ءىس-شاراعا قالا اكىمى مۇرات ايتەنوۆ قاتىسىپ، 150-گە جۋىق شاعىن جانە ورتا بيزنەس وكىلدەرىنىڭ جوبالارىمەن تانىستى.

«تاۋارلاردى جاساۋعا كاسىپكەرلەردىڭ بار ونەرىن، ىنتا-ىقىلاسىن سالعانى كورىنىپ تۇر. مەملەكەت ۇسىنعان گرانتتاردى كونكۋرس ارقىلى جەڭىپ العان قالا تۇرعىندارى ءوز بيزنەسىن باستاپ، ساپالى ءارى نارىقتا سۇرانىسقا يە تاۋارلاردى ءوندىرىپ جاتىر. بۇل ءبىر جاعىنان شىمكەنتىكتەردىڭ كاسىپكە بەيىم ءارى ەڭبەكقور ەكەنىن كورسەتسە، ەكىنشى جاعىنان مەملەكەتتىڭ شاعىن جانە ورتا بيزنەسكە كورسەتىپ جاتقان قولداۋىنىڭ ناقتى ناتيجەسى» - دەدى قالا اكىمى.

جارمەڭكەدە كونديتەرلىك ونىمدەر، جيھاز ءوندىرۋ، قىزمەت كورسەتۋ سالالارى بويىنشا ءتۇرلى الەۋمەتتىك جوبالار قويىلدى. سونداي-اق ارنايى اقپاراتتىق بۇرىش جاساقتالىپ، «حالىقتى جۇمىسپەن قامتۋ ورتالىعىنىڭ» ماماندارى كەلۋشىلەرگە تەگىن كاسىبي وقۋ، تۇراقتى جۇمىسقا ورنالاسۋ، سۋبسيديالاناتىن جۇمىس ورىندارىنا جولداما الۋ بويىنشا كەڭەستەر بەردى.

ايتا كەتەيىك، وتكەن جىلى قالامىزدا 1 مىڭنان استام ادام جاڭا بيزنەس يدەيالاردى جۇزەگە اسىرۋ ءۇشىن قايتارىمسىز گرانتتاردى جەڭىپ العان. ال، 2 مىڭنان استام ادام تەگىن كاسىبي وقۋعا جىبەرىلگەن. مەملەكەت تاراپىنان بەرىلەتىن قولداۋ شارالارى بيىل دا ءوز جالعاسىن تابۋدا. قالا بويىنشا 447 ادامعا 400 اەك دەيىنگى مولشەردە قايتارىمسىز گرانت بەرۋ جوسپارلانىپ وتىر.

پىكىرلەر