رەسەي فەدەراتسياسى سولتۇستىك كورەيادان قارۋ-جاراق الۋ ءۇشىن ازىق-تۇلىكپەن الماسۋدى ۇسىنىپ وتىر. بۇل تۋرالى اقش ۇلتتىق قاۋىپسىزدىك كەڭەسىنىڭ ستراتەگيالىق كوممۋنيكاتسيالار ۇيلەستىرۋشىسى دجون كيربي ايتتى، دەپ حابارلايدى «ادىرنا» ءتىلشىسى Politico باسىلىمىنا سىلتەمە جاساپ.
ايتۋىنشا، رەسەي مۇنداي قادامعا ۋكرايناداعى اسكەري وپەراتسيالاردى كۇشەيتۋ ءۇشىن بارماقشى.
«سولتۇستىك كورەيا رەسەيدىڭ باسقىنشىلىق ارەكەتتەرىنە ودان ءارى قولداۋ كورسەتە مە دەپ الاڭدايمىز. بىزدە فەدەراتسيانىڭ قوسىمشا وق-دارىلەردى بەلسەندى تۇردە ىزدەپ جاتقانى تۋرالى جاڭا اقپارات بار»، - دەدى ول.
كيربي اقش-تىڭ بۇل كەلىسىمدى مۇقيات قاداعالايتىنىن اتاپ ءوتتى.
ايتا كەتەيىك، سولتۇستىك كورەيادان رەسەيگە قارۋ-جاراق جەتكىزۋ ماسەلەسى باق-تا وتكەن جىلدان بەرى تالقىلاپ كەلەدى.
2022 جىلدىڭ قاراشا ايىندا اقش سولتۇستىك كورەيانى رەسەيگە ارتيللەريالىق سناريادتاردىڭ ەداۋىر مولشەرىن جەتكىزدى جانە ونى جاسىرۋعا تىرىستى دەپ ايىپتاعان بولاتىن. بارلاۋ مالىمەتتەرى بويىنشا، وق-دارىلەر تاياۋ شىعىس نەمەسە سولتۇستىك افريكا ەلدەرىنە جىبەرىلەدى، بىراق ءىس جۇزىندە رەسەيگە ارنالعان. الايدا سولتۇستىك كورەيا اقپاراتتاردىڭ بارلىعىن جوققا شىعاردى.
