قر پارلامەنتى ءماجىلىسىنىڭ توراعاسى ەرلان قوشانوۆ دەپۋتاتتار سايلاۋىنىڭ قورىتىندىسىنا باعا بەردى. بۇل تۋرالى ول باق وكىلدەرىنىڭ ساۋالىنا جاۋاپ بەرە وتىرىپ ايتتى، دەپ حابارلايدى “ادىرنا” ۇلتتىق پورتالى.
"حالىق داۋىس بەردى. مەنىڭ ويىمشا، بۇل ءادىل جانە اشىق سايلاۋ بولدى. Amanat پارتياسىنىڭ 53,9% العانى بۇل شىنىمەن دە لايىقتى جەڭىس. ءبىز ءوزىمىزدىڭ پارتيالاستارىمىزبەن بىرگە وڭىرلەردى ارالاپ شىقتىق، ءار ەڭبەك ۇجىمىمەن كەزدەستىك، قولداۋىمدى سەزىندىم. ءبىز 53,9% جينادىق، بۇل ءبىزدىڭ لايىقتى جەڭىسىمىز", - دەدى ەرلان قوشانوۆ.
ءماجىلىس توراعاسى سايلاۋدىڭ ناتيجەسى مەن ۇيىمداستىرىلۋىنا نارازى بولعاندارعا قاتىستى پىكىر ءبىلدىردى.
"نارازىلىق بىلدىرگەندەرگە كەلەتىن بولساق، مەن قازىر ايتا المايمىن. مەن تەك “Amanat” پارتياسىنىڭ توراعاسىمىن. ارينە ۇتىلعاندار قاشان دا نارازىلىق تانىتادى. مەنىڭ ويىمشا، بارلىق جەردە ۇلكەن شۋ جوق. مۇمكىن جەڭىلگەندەر ءبىر جەرگە جازىپ جاتقان شىعار، رەنجىگەن شىعار، بىراق بۇل تۇسىنىكتى”، - دەدى ەرلان قوشانوۆ.
