QR Parlamentı Mäjılısınıŋ töraǧasy Erlan Qoşanov deputattar sailauynyŋ qorytyndysyna baǧa berdı. Būl turaly ol BAQ ökılderınıŋ saualyna jauap bere otyryp aitty, dep habarlaidy “Adyrna” ūlttyq portaly.
"Halyq dauys berdı. Menıŋ oiymşa, būl ädıl jäne aşyq sailau boldy. Amanat partiiasynyŋ 53,9% alǧany būl şynymen de laiyqty jeŋıs. Bız özımızdıŋ partiialastarymyzben bırge öŋırlerdı aralap şyqtyq, är eŋbek ūjymymen kezdestık, qoldauymdy sezındım. Bız 53,9% jinadyq, būl bızdıŋ laiyqty jeŋısımız", - dedı Erlan Qoşanov.
Mäjılıs töraǧasy sailaudyŋ nätijesı men ūiymdastyryluyna narazy bolǧandarǧa qatysty pıkır bıldırdı.
"Narazylyq bıldırgenderge keletın bolsaq, men qazır aita almaimyn. Men tek “Amanat” partiiasynyŋ töraǧasymyn. Ärine ūtylǧandar qaşan da narazylyq tanytady. Menıŋ oiymşa, barlyq jerde ülken şu joq. Mümkın jeŋılgender bır jerge jazyp jatqan şyǧar, renjıgen şyǧar, bıraq būl tüsınıktı”, - dedı Erlan Qoşanov.
