شاحماتتان ەكى دۇركىن چەمپيون ءبيبىسارا اساۋباەۆا نيۋ-دەليدە وتكەن بەدەلدى گران-پري جارىسىن ءساتتى باستادى. بۇل تۋرالى Zakon.kz حابارلادى، دەپ جازادى "ادىرنا" ۇلتتىق پورتالى.
جارىستاردىڭ ءبىرىنشى اينالىمىندا قازاقستان شاحماتشىسى جەرگىلىكتى سپورتشى رامەشبابا ۆايشاليدەن باسىم ءتۇسىپ، 1 ۇپاي جيناپ، گران-پري كوشباسشىلارىنىڭ تىزىمىنە ەندى.
ايتا كەتەرى، بۇل جارىس ۇيىمداستىرۋشىلاردىڭ تۇسىنبەستىگى مەن قاتەسىنەن جوسپارلانعان كەستەدەن ءبىر كۇن كەش باستالدى. وسىعان بايلانىستى ەكى قاتىسۋشى تۋرنيرگە قاتىسۋدان باس تارتتى: جانسايا ابدىمالىك (قازاقستان) جانە ەليزابەت پەتتس (گەرمانيا).
نيۋ-دەليدەگى تۋرنيرگە وسى ساعاتقا جوسپارلانعان 12 شاحماتشىنىڭ ورنىنا 10 قىز قاتىسىپ جاتىر. شارانى ۇيىمداستىرۋشىلار گران-ءپريدىڭ 3-كەزەڭىنىڭ كەستەسىن شۇعىل وزگەرتتى. ءبيبىسارا اسساۋباەۆا جەكپە-جەككە ەكىنشى راۋندتان باستاپ، جارىس يەسىن جەڭدى. ول 28 ناۋرىزدا گرۋزين نينو باتسياشۆيليمەن وينايدى.
"ادىرنا" ۇلتتىق پورتالى
