وزبەكستان پرەزيدەنتىنىڭ قىزى سايدا ميرزيوەۆا نيۋ-يوركتە ءوتىپ جاتقان بۇۇ-نىڭ سۋ كونفەرەنتسياسىندا ءسوز سويلەدى، دەپ حابارلايدى «ادىرنا» ءتىلشىسى.
ول بايانداماسىندا مويناق قالاسىنىڭ ءبىر كەزدەرى ءىرى وندىرىستىك قۋاتتىلىعى بار گۇلدەنگەن پورت شاھارى رەتىندە مويىندالعانىن، ال تەپە-تەڭدىك بۇزىلعاننان كەيىن تەڭىزدىڭ ءولى جاعالاۋىندا كەمەلەر زيراتى پايدا بولعانىن ايتتى.
«ارال تەڭىزىنىڭ داعدارىسى — ادامزاتتىڭ قورشاعان ورتاعا نەمقۇرايلى قاراۋىنىڭ سالدارى تۋرالى قورقىنىشتى ەسكەرتۋ. الايدا قامقور ادامداردىڭ كۇش-جىگەرىنىڭ ارقاسىندا ول قايتادان ءۇمىت پەن جاڭارۋ سيمۆولىنا اينالۋدا»،—دەدى ول.
سايدا ميرزيوەۆا پرەزيدەنت شاۆكات ميرزيەيوۆ ۇسىنعان باستامالار حالىقارالىق دەڭگەيدە كەڭىنەن قولداۋ تاپقانىن، سونداي-اق 2021 جىلى بۇۇ-نىڭ ارال ءوڭىرىن ەكولوگيالىق يننوۆاتسيالار مەن تەحنولوگيالار ايماعى دەپ جاريالاعان قارارى قابىلدانعانىن اتاپ ءوتتى.
مەملەكەت جۇزەگە اسىرىپ جاتقان شارالار تۋرالى ايتا كەلە، سپيكەر ءوڭىردى جانداندىرۋعا باعىتتالعان جوبالاردى ىسكە اسىرۋعا 14 ملن دوللاردان استام قاراجات باعىتتالعانىن مالىمدەدى.
ول ءسوز سوڭىندا حالىقارالىق قوعامداستىقتى جاھاندىق سۋ پروبلەمالارىمەن تىعىز بايلانىستى ارال تراگەدياسىنىڭ سالدارىن ازايتۋ ءۇشىن جاساپ جاتقان وزبەكستاننىڭ ءىس-شارالارىن قولداۋعا شاقىردى.
