Ózbekstan prezıdentiniń qyzy Saıda Mırzııoeva Nıý-Iorkte ótip jatqan BUU-nyń sý konferenııasynda sóz sóıledi, dep habarlaıdy «Adyrna» tilshisi.
Ol baıandamasynda Moınaq qalasynyń bir kezderi iri óndiristik qýattylyǵy bar gúldengen port shahary retinde moıyndalǵanyn, al tepe-teńdik buzylǵannan keıin teńizdiń óli jaǵalaýynda kemeler zıraty paıda bolǵanyn aıtty.
«Aral teńiziniń daǵdarysy — adamzattyń qorshaǵan ortaǵa nemquraıly qaraýynyń saldary týraly qorqynyshty eskertý. Alaıda qamqor adamdardyń kúsh-jigeriniń arqasynda ol qaıtadan úmit pen jańarý sımvolyna aınalýda»,—dedi ol.
Saıda Mırzııoeva Prezıdent Shavkat Mırzıeıov usynǵan bastamalar halyqaralyq deńgeıde keńinen qoldaý tapqanyn, sondaı-aq 2021 jyly BUU-nyń Aral óńirin ekologııalyq ınnovaııalar men tehnologııalar aımaǵy dep jarııalaǵan qarary qabyldanǵanyn atap ótti.
Memleket júzege asyryp jatqan sharalar týraly aıta kele, spıker óńirdi jandandyrýǵa baǵyttalǵan jobalardy iske asyrýǵa 14 mln dollardan astam qarajat baǵyttalǵanyn málimdedi.
Ol sóz sońynda halyqaralyq qoǵamdastyqty jahandyq sý problemalarymen tyǵyz baılanysty Aral tragedııasynyń saldaryn azaıtý úshin jasap jatqan Ózbekstannyń is-sharalaryn qoldaýǵa shaqyrdy.
