باتىس ەلدەرىنىڭ كيەۆكە قارۋ-جاراقپەن كومەكتەسىپ جاتقانى "يادرولىق اپوكاليپسيسكە" اكەلەدى. بۇل پىكىردى رف قاۋىپسىزدىك كەڭەسى توراعاسىنىڭ ورىنباسارى دميتري مەدۆەدەۆ مالىمدەدى، دەپ جازادى "ادىرنا" ۇلتتىق پورتالى.
"يادرولىق قاقتىعىس قاۋپىنەن قۇتىلا الدى ما؟ جوق، قۇتىلمادى. قايتا قاۋىپ كۇشەيە ءتۇستى. كۇن سايىن شەتەلدىك قارۋ-جاراقتىڭ ۋكرايناعا جەتكىزىلۋى ءتۇبى يادرولىق اپوكاليپسيسكە اكەلەدى. مەنىنشە، ولار سوڭىنا دەيىن رەسەيدىڭ، ونىڭ پرەزيدەنتىنىڭ ءدال وسىنداي شەشىمگە توقتايتىنىنا جانە وزىنىكىن ىستەيتىنىنە سەنگەن جوق. ولار قاتەلەستى. ەگەر ولار 2021 جىلدىڭ جەلتوقسان ايىندا بىزبەن قۇجاتتارعا قول قويسا، سالدارى بۇدان الدەقايدا قيىن بولار ەدى. سوندىقتان كەيبىر ەلدەرمەن، وداقتارمەن، قاۋىمداستىقتارمەن كەلىسسوز جۇرگىزۋدىڭ دىم ماعىناسى جوق. ولار تەك "كۇش كورسەتۋ" ءتىلىن عانا تۇسىنەدى",- دەدى مەدۆەدەۆ.
"ادىرنا" ۇلتتىق پورتالى
