عىلىم جانە جوعارى ءبىلىم ءمينيسترى ساياسات نۇربەك ەلورداداعى №111 سايلاۋ ۋچاسكەسىندە ءوز تاڭداۋىن جاسادى، دەپ حابارلايدى “ادىرنا” ۇلتتىق پورتالى.
سونداي-اق، ول ستۋدەنتتەردى زاڭسىز ارەكەتتەردەن قورعاۋ ماقساتىندا قابىلدانعان شارالار تۋرالى ايتىپ بەردى،
ء"بىز ستۋدەنتتەر سايلاۋعا ۇيىمداسقان تۇردە قاتىسۋعا ءماجبۇر بولادى دەگەن ءداستۇرلى سىنعا وتە بايىپتى قارادىق. بارلىق رەكتورلارعا، دەكاناتتارعا، كافەدرالارعا ماڭىزدى نۇسقاۋلار بەرىلدى. ارنايى احۋالدىق ورتالىقتار قۇرىلدى، سونداي-اق، مينيسترلىك جانىنان ارنايى لاۋازىم قۇرىلدى – ستۋدەنتتەردىڭ قۇقىقتارىن قورعاۋ جونىندەگى ومبۋدسمەن، ول - ايسۇلۋ ەرنيازوۆا. وسى التى ايدا ول بارلىق ستۋدەنتتەرمەن، ستۋدەنتتىك ۇيىمداردىڭ پرەزيدەنتتەرىمەن جەكە تانىستى. كەز-كەلگەن ستۋدەنت، ەگەر ونىڭ قۇقىقتارى بۇزىلدى نەمەسە قىسىم جاسالدى دەپ ساناسا، وعان تىكەلەي جۇگىنە الادى. ءار ستۋدەنت ءوز تاڭداۋىن جاسايدى. ءبىزدىڭ جوعارى وقۋ ورىندارىنداعى كەڭەستەردىڭ شەشىمدەرىمەن بۇل جولى ۋنيۆەرسيتەتتەر ىشىندە ۇگىت-ناسيحات جۇرگىزىلگەن جوق", - دەدى ساياسات نۇربەك.
ايتا كەتەيىك، 2023 جىلعى 19 ناۋرىزدا تاڭعى ساعات 7:00-دە قازاقستاندا قر پارلامەنتى ءماجىلىسى دەپۋتاتتارى مەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋىندا داۋىس بەرۋ باستالدى.
