Ǵylym jáne joǵary bilim mınıstri Saıasat Nurbek elordadaǵy №111 saılaý ýchaskesinde óz tańdaýyn jasady, dep habarlaıdy “Adyrna” ulttyq portaly.
Sondaı-aq, ol stýdentterdi zańsyz áreketterden qorǵaý maqsatynda qabyldanǵan sharalar týraly aıtyp berdi,
"Biz stýdentter saılaýǵa uıymdasqan túrde qatysýǵa májbúr bolady degen dástúrli synǵa óte baıypty qaradyq. Barlyq rektorlarǵa, dekanattarǵa, kafedralarǵa mańyzdy nusqaýlar berildi. Arnaıy ahýaldyq ortalyqtar quryldy, sondaı-aq, mınıstrlik janynan arnaıy laýazym quryldy – stýdentterdiń quqyqtaryn qorǵaý jónindegi ombýdsmen, ol - Aısulý Ernııazova. Osy alty aıda ol barlyq stýdenttermen, stýdenttik uıymdardyń prezıdentterimen jeke tanysty. Kez-kelgen stýdent, eger onyń quqyqtary buzyldy nemese qysym jasaldy dep sanasa, oǵan tikeleı júgine alady. Ár stýdent óz tańdaýyn jasaıdy. Bizdiń joǵary oqý oryndaryndaǵy keńesterdiń sheshimderimen bul joly ýnıversıtetter ishinde úgit-nasıhat júrgizilgen joq", - dedi Saıasat Nurbek.
Aıta keteıik, 2023 jylǵy 19 naýryzda tańǵy saǵat 7:00-de Qazaqstanda QR Parlamenti Májilisi depýtattary men barlyq deńgeıdegi máslıhattar depýtattarynyń kezekten tys saılaýynda daýys berý bastaldy.
