بۇگىن الماتى قالاسىندا «اۋىل» پارتياسىنىڭ «تاۋار ساتىلىمعا دەلدالسىز شىعۋى كەرەك» ميتينگى ءوتتى. ميتينگكە پارتيادان ءماجىلىس جانە جەرگىلىكتى ماسليحاتقا ۇمىتكەرلەر، پارتيا بەلسەندىلەرى جانە فەرمەرلەر قاتىستى.
«سارىارقا» كينوتەاترىنىڭ ارتىنداعى الاڭدا وتكەن ميتينگكە اۋىل شارۋاشىلىعى مەن دەلدالسىز ساۋدانى قولداۋ ماقساتىندا 100-دەن استام ادام پلاكاتتارمەن جينالدى.
ميتينگكە قاتىسۋشىلار مەن قالا تۇرعىندارىنىڭ الدىندا ءسوز سويلەگەن «اۋىل» پارتياسى توراعاسىنىڭ ورىنباسارى جانە قر پارلامەنتى ءماجىلىسىنىڭ دەپۋتاتتىعىنا كانديدات اناس باققوجاەۆ ءوز ونىمدەرىن ساتۋ بارىسىندا فەرمەرلەرگە كەزدەسەتىن قيىندىقتار تۋرالى ءسوز قوزعادى.
«قازىر قاراپايىم ادامنىڭ، فەرمەردىڭ، تراكتورشىنىڭ، اۋىل جۇمىسشىسىنىڭ ەڭبەگى قۇنسىزدانىپ كەتكەن. اۋىل ادامدارىنىڭ ونىمدەرى 20 ميلليون حالىقتى قامتىپ وتىر. ءاربىر فەرمەر -40°س بولسىن، +40°C بولسىن، مال ءوسىرۋدىڭ، جەكە ءۇي شارۋاشىلىعىمەن اينالىسۋدىڭ قانشالىقتى قيىن ەكەنىن بىلەدى. سوندا دا ونىڭ ەتتى ساتۋشىلارعا دەلدالسىز ساتا المايدى. قازىر ءبارى ءبىز بۇگىندە نارىقتىق ەكونوميكادا ەكەنىمىزدى ايتادى. ولاي بولسا، ار ءوندىرۋشى ءوز ءونىمىنىڭ يەسى بولۋى كەرەك»، - دەپ اتاپ ءوتتى كانديدات.
ميتينگتە ءسوز العان فەرمەرلەر مىسال رەتىندە پيازدىڭ باعاسىن كەلتىردى. ولاردىڭ ايتۋىنشا، 1 كگ پياز ءوندىرىسىنىڭ ءوز باعاسى 18 تەڭگەنى قۇرايدى، فەرمەر ونى 30 تەڭگەگە ساتادى، ول قالاداعى سورەلەرگە جەتكەندە 300 تەڭگە تۇرادى. وسىنىڭ ءبارى دەلدالداردىڭ كوپتىگىنەن بولىپ وتىر.
پارتيا توراعاسىنىڭ ورىنباسارى جيگۋلي دايراباەۆ «اۋىل» پارتياسىنىڭ سايلاۋالدى باعدارلاماسىندا بۇل ماسەلە ەرەكشە ماڭىزدى ورىن العانىن ايتتى.
«ءبىز ازىق-تۇلىك نارىعىنان ارتىق دەلدالداردى زاڭنامالىق نەگىزدە ىعىستىرۋ ءۇشىن بار كۇشىمىزدى سالامىز. ەگىستىكتە وسىرىلگەن جانە قايتا وڭدەۋ كاسىپورىندارىندا وندىرىلگەن ونىمدەر تىكەلەي سورەلەرگە ءتۇسۋى كەرەك. فەرمەرلەردى ءىرى ساۋدا ورتالىقتارىنا مۇمكىندىگىنشە جاقىنداتۋ قاجەت. ءبىز قازاقستاننىڭ اگرارلىق بولاشاعىنا سەنەمىز. ءبىز ءۇشىن اۋىل ارقاشان باسىمدىققا يە! اۋىل تورگە شىقسىن!»، - دەپ جيگۋلي دايراباەۆ ءوز ءسوزىن قورىتىندىلادى.
سونداي-اق، ءىس-شارا اياسىندا «اۋىل» پارتياسىنىڭ وكىلدەرى مەن ولاردىڭ جاقتاستارى ۇگىت-ناسيحات جۇمىستارىن جۇرگىزىپ، قالا تۇرعىندارىنا «اۋىل» پارتياسىنىڭ سايلاۋالدى باعدارلاماسىنىڭ باعىتتارىن ءتۇسىندىردى.
ءىس-شارا سوڭىندا ميتينگە جينالعاندار قازاقستاننىڭ ءانۇرانىن ورىندادى. جالپى، ميتينگ قوعامنىڭ نازارىن اۋىل شارۋاشىلىعى سالاسىنداعى پروبلەمالارعا اۋداردى جانە ونى حالىق وڭ قابىلدادى.
«اۋىل» حدپپ ءباسپاسوز قىزمەتى
8(7172) 543266 auyl_pressa@mail.ru
تاپسىرىس بەرۋشى: «اۋىل» حدپپ;
«اۋىل» حدپپ سايلاۋ قورى قاراجاتى ەسەبىنەن تولەندى
