Búgin "Taýar satylymǵa deldalsyz shyǵýy kerek" mıtıngisi ótti

12083
Adyrna.kz Telegram

Búgin Almaty qalasynda «Aýyl» partııasynyń  «Taýar satylymǵa deldalsyz shyǵýy kerek» mıtıngi ótti. Mıtıngke partııadan Májilis jáne jergilikti máslıhatqa úmitkerler, partııa belsendileri jáne fermerler qatysty.

«Saryarqa» kınoteatrynyń artyndaǵy alańda ótken mıtıngke aýyl sharýashylyǵy men deldalsyz saýdany qoldaý maqsatynda 100-den astam adam plakattarmen jınaldy.

Mıtıngke qatysýshylar men qala turǵyndarynyń aldynda sóz sóılegen «Aýyl» partııasy tóraǵasynyń orynbasary jáne QR Parlamenti Májilisiniń depýtattyǵyna kandıdat Anas Baqqojaev óz ónimderin satý barysynda fermerlerge kezdesetin qıyndyqtar týraly sóz qozǵady.

«Qazir qarapaıym adamnyń, fermerdiń, traktorshynyń, aýyl jumysshysynyń eńbegi qunsyzdanyp ketken. Aýyl adamdarynyń ónimderi 20 mıllıon halyqty qamtyp otyr. Árbir fermer -40°S bolsyn, +40°C bolsyn, mal ósirýdiń, jeke úı sharýashylyǵymen aınalysýdyń qanshalyqty qıyn ekenin biledi. Sonda da onyń etti satýshylarǵa deldalsyz sata almaıdy. Qazir bári biz búginde naryqtyq ekonomıkada ekenimizdi aıtady. Olaı bolsa,  ár óndirýshi óz óniminiń ıesi bolýy kerek», - dep atap ótti kandıdat.

Mıtıngte sóz alǵan fermerler mysal retinde pııazdyń baǵasyn keltirdi. Olardyń aıtýynsha, 1 kg pııaz óndirisiniń óz baǵasy 18 teńgeni quraıdy, fermer ony 30 teńgege satady, ol qaladaǵy sórelerge jetkende 300 teńge turady. Osynyń bári deldaldardyń kóptiginen bolyp otyr.

Partııa tóraǵasynyń orynbasary Jıgýlı Daırabaev «Aýyl» partııasynyń saılaýaldy baǵdarlamasynda bul másele erekshe mańyzdy oryn alǵanyn aıtty.

«Biz azyq-túlik naryǵynan artyq deldaldardy zańnamalyq negizde yǵystyrý úshin bar kúshimizdi salamyz. Egistikte ósirilgen jáne qaıta óńdeý kásiporyndarynda óndirilgen ónimder tikeleı sórelerge túsýi kerek. Fermerlerdi iri saýda ortalyqtaryna múmkindiginshe jaqyndatý qajet. Biz Qazaqstannyń agrarlyq bolashaǵyna senemiz. Biz úshin aýyl árqashan basymdyqqa ıe! Aýyl tórge shyqsyn!», - dep Jıgýlı Daırabaev óz sózin qorytyndylady.

Sondaı-aq, is-shara aıasynda «Aýyl» partııasynyń ókilderi men olardyń jaqtastary úgit-nasıhat jumystaryn júrgizip, qala turǵyndaryna «Aýyl» partııasynyń saılaýaldy baǵdarlamasynyń baǵyttaryn túsindirdi.

Is-shara sońynda mıtınge jınalǵandar Qazaqstannyń ánuranyn oryndady. Jalpy, mıtıng qoǵamnyń nazaryn aýyl sharýashylyǵy salasyndaǵy problemalarǵa aýdardy jáne ony halyq oń qabyldady.

«Aýyl» HDPP Baspasóz qyzmeti

8(7172) 543266 auyl_pressa@mail.ru

Tapsyrys berýshi: «Aýyl» HDPP;

«Aýyl» HDPP saılaý qory qarajaty esebinen tólendi

Pikirler