الماتى دەنساۋلىق ساقتاۋ باسقارماسىنىڭ ايتۋىنشا، 23 قاڭتاردا الماتىدا بولعان جەر سىلكىنىسى سالدارىنان 8 ادام زارداپ شەككەن، دەپ حابارلايدى “ادىرنا” ۇلتتىق پورتالى.
“تۇرعىن ۇيلەردىڭ 2 جانە 3 قاباتتارىنان سەكىرۋ سالدارىنان ءۇش ادام زارداپ شەكتى. تەكسەرۋدەن كەيىن ەكى زارداپ شەگۋشى امبۋلاتورلىق ەمدەۋگە جىبەرىلدى. ءۇشىنشى ناۋقاستىڭ جاعدايى اۋىر دەپ باعالانىپ، اۋرۋحاناعا جاتقىزىلدى. بەس ادام ۇيدەن قاشىپ بارا جاتىپ جاراقات العان. بارلىق قاجەتتى مەديتسينالىق كومەك كورسەتىلگەننەن كەيىن ولار امبۋلاتورلىق ەمدەۋگە جىبەرىلدى”، - دەپ حابارلادى الماتى دەنساۋلىق ساقتاۋ باسقارماسىنان.
ەستەرىڭىزگە سالا كەتەيىك، الماتىدا ماگنيتۋداسى MPV 6,7 بولاتىن كۇشتى جەر سىلكىنىسى بولدى. جەر استى دۇمپۋلەرى بىرنەشە مينۋتقا سوزىلىپ، قالا تۇرعىندارى ۇيلەرىن اسىعىس تاستاپ شىقتى.
ايتا كەتەيىك، جەر سىلكىنىسى جەتىسۋ وڭىرىندە دە سەزىلگەن. كەيىن توتەنشە جاعدايلار قىزمەتى بۇدان باسقا جەر استى دۇمپۋلەرى بولجانباعانىن ايتتى.
“ادىرنا” ۇلتتىق پورتالى
