چەمپيوناتقا الەمنىڭ جەتى ەلىنەن 100-دەن اسا سپورتشى كەلدى. قازاقستان، موڭعوليا، قىرعىزستان، تۇركيا، رەسەي، ۋكراينا، قىتايدان 61 بۇركىت، 20 قارشىعا، 15 يتەلگى قاتىستى. الەم بىرىنشىلىگىندە سپورتشىلار “بۇركىت”، “قارشىعا”، “يتەلگى” بويىنشا سىنعا ءتۇستى.
El.kz مالىمدەۋىنشە، قىران قۇستاردىڭ باسەكەسىندە قازاقستاندىق قۇسبەگىلەردىڭ باعى جاندى. اتاپ ايتقاندا، «بۇركىت» بويىنشا باس جۇلدە سەرىكبولسىن باباجانعا (قازاقستان) بۇيىرسا، ەكىنشى ورىننان ومىربەك نۇمان (قازاقستان) كورىندى. ال ءۇشىنشى ورىندا وركەن بايتىلكارىپ (موڭعوليا) مەن بايراق تاستانبەك (قازاقستان) ءبولىستى.
– قۇسىمنىڭ اتى – جانقيار. جاسى بەستە. بالاپان كەزىنەن باپتادىم. وسى جارىستىڭ الدىندا قىرعىزستاندا وتكەن «سالبۋرىن-2022» حالىقارالىق تۋرنيرىنە قاتىستىق. وندا بابى ساي كەلمەسە، ءۇرجاردا بابىندا كەلدى. ناتيجەسىندە چەمپيون اتاندىق. قۋانىشتىمىن! – دەدى تۇڭعىش الەم چەمپيون س.باباجان.
"ادىرنا" ۇلتتىق پورتالى