Olımpıada jeńimpazy Serik Sápıev ózbek boksshylarynyń nege myqty ekenin aıtty. Bul týraly “Stýdııa boksa Vıktora Ialymova" Youtube arnasyna bergen suhbatynda aıtty, dep habarlaıdy “Adyrna” ulttyq portaly.
Aqpan aıynda Bolgarııada ótken Starndja kýboginde el quramasy bir kúmis pen bir qola ǵana ıelendi, al Ózbekstan komandasy jeti altyn, tórt kúmis jáne bes qola jeńip alǵan edi.
Qazaqstan altynsyz qalǵan kishi ÁCh-de Ózbekstan rekord ornatty.
Suhbatta «Jalpy komandalyq esepte Azııa birinshilkterin birneshe ret qatar Ózbekstan utyp otyr. Nege olaı?» dep suraq qoıyldy.
“Ózbekstannyń boks mektebi Azııa aýmaǵynda eń myqtylardyń biri. Udaıy bizben básekelestikte boldy. Óte eńbekqor. Qazaqstan quramasyna sondaı eńbekqorlyq jetispeıdi. Biz tehnıka men taktıka turǵysynan myqtymyz. Al ózbekter kóbirek jumys isteýge qabiletti, qazir olar kóbirek soqqy jasap, sonyń arqasynda jeńiske jetýde. Olarda boks deńgeıi ósip keledi, Olımpıadadaǵy jetistikke baılanysty. Odan keıin qazirgi tańda tóreshilerdiń Ózbekstan boksshylaryna búırek buratyny báribir bar. Bul kórinip turady”, - dedi Serik Sápıev.
