جاراسقان ابدىراشەۆ 1969 ج. قازمۋ-دىڭ جۋرناليستيكا فاكۋلتەتىن ءبىتىرىپ، 1969-94 ج. «لەنينشىل جاس» (قازىرگى «جاس الاش»), «قازاق ادەبيەتى» گازەتتەرىندە، «جالىن» الماناعىندا، «جۇلدىز» جۋرنالىندا، قازاقستان جازۋشىلار وداعى جانىنداعى كوركەم اۋدارما جانە ادەبي بايلانىستار جونىندەگى باس رەداكتسيادا قىزمەت اتقارعان، «تاماشا» ويىن-ساۋىق تەاترىندا باس رەداكتور بولعان. العاشقى جيناعى - «تۇڭعىش كىتاپ» 1969 ج. جارىق كورگەن.
زامانداستارىمىزدىڭ ومىرىنەن ورنەكتەلگەن «اق قايران» (1970), «نايزاعايلى جاز» (1971), «ساياحات» (1972), ۇلتتىق وي-سانا تۇرعىسىنداعى تولعامداردان تۇراتىن «دالا سەنىڭ ۇلىڭمىن» (1975), «سوعىستان سوڭ تۋعاندار» (1977, 1993), «پەرزەنت پارىزى» (1980), «سانا سوقپاعى» (1988) ت. ب. ولەڭدەر مەن پوەما جيناقتارى، قازاق ادەبيەتىندە ەپيگرامما جانىرىن قالىپتاستىرعان «ءازىلىڭ جاراسسا» (1989) كىتابى، قازاق بالالار ادەبيەتى ماسەلەلەرىن كوتەرگەن «پاراسات پەن پارىز» (1973) ادەبي-زەرتتەۋ ەڭبەگى جارىق كوردى.
اقىننىڭ تاڭدامالى جىرلارىنىڭ 3 تومدىعى («سانا سوقپاعى» 1998; «كوڭىل كوكپارى» 1998; «شەجىرەلى شاڭىراق» 1998) جاريالانعان.
ا.س.پۋشكيننىڭ، ر.تاگوردىڭ، م.ءبسيسۋدىڭ، پ.ەليۋاردىڭ، يا.كۋپالانىڭ، ك.ي.چۋكوۆسكيدىڭ، ا.ل.بارتونىڭ، ا.ا.بلوكتىڭ جەكەلەگەن تۋىندىلاردىڭ قازاق تىلىنە اۋدارعان.
جاراسقان ابدىراشەۆتىڭ ءتول شىعارمالارى نەمىس، ۆەنگەر، ورىس، ۋكراين، وزبەك، تاجىك، ازەربايجان، تۇركىمەن، قىرعىز، ساحا تىلدەرىنە تارجىمەلەنگەن. ول قازاقستان جازۋشىلار وداعى م.جۇماباەۆ اتىنداعى سىيلىقتىڭ العاشقى يەگەرى (1989) اتانعان.
"ادىرنا" ۇلتتىق پورتالى
