Jarasqan Ábdirashev 1969 j. QazMÝ-dyń jýrnalıstıka fakýltetin bitirip, 1969-94 j. «Lenınshil jas» (qazirgi «Jas Alash»), «Qazaq ádebıeti» gazetterinde, «Jalyn» almanaǵynda, «Juldyz» jýrnalynda, Qazaqstan Jazýshylar odaǵy janyndaǵy kórkem aýdarma jáne ádebı baılanystar jónindegi bas redakııada qyzmet atqarǵan, «Tamasha» oıyn-saýyq teatrynda bas redaktor bolǵan. Alǵashqy jınaǵy - «Tuńǵysh kitap» 1969 j. jaryq kórgen.
Zamandastarymyzdyń ómirinen órnektelgen «Aq qaıran» (1970), «Naızaǵaıly jaz» (1971), «Saıahat» (1972), ulttyq oı-sana turǵysyndaǵy tolǵamdardan turatyn «Dala seniń ulyńmyn» (1975), «Soǵystan soń týǵandar» (1977, 1993), «Perzent paryzy» (1980), «Sana soqpaǵy» (1988) t. b. óleńder men poema jınaqtary, qazaq ádebıetinde epıgramma janyryn qalyptastyrǵan «Áziliń jarassa» (1989) kitaby, qazaq balalar ádebıeti máselelerin kótergen «Parasat pen paryz» (1973) ádebı-zertteý eńbegi jaryq kórdi.
Aqynnyń tańdamaly jyrlarynyń 3 tomdyǵy («Sana soqpaǵy» 1998; «Kóńil kókpary» 1998; «Shejireli shańyraq» 1998) jarııalanǵan.
A.S.Pýshkınniń, R.Tagordyń, M.Bsısýdiń, P.Elıýardyń, Ia.Kýpalanyń, K.I.Chýkovskııdiń, A.L.Bartonyń, A.A.Bloktyń jekelegen týyndylardyń qazaq tiline aýdarǵan.
Jarasqan Ábdirashevtiń tól shyǵarmalary nemis, venger, orys, ýkraın, ózbek, tájik, ázerbaıjan, túrkimen, qyrǵyz, saha tilderine tárjimelengen. Ol Qazaqstan Jazýshylar odaǵy M.Jumabaev atyndaǵy syılyqtyń alǵashqy ıegeri (1989) atanǵan.
"Adyrna" ulttyq portaly
