الەۋمەتتىك جەلىلەردى قازاق ءداستۇرى مەن ۇلتتىق قۇندىلىقتارىمىزدىڭ كەرەمەتى شارلاپ كەتتى. اتى اڭىزعا اينالعان گونكونگتىق اكتەر، كاسكادەر، رەجيسسەر، پروديۋسەر، ستسەناريست جانە ەكشن-رەجيسسەر دجەكي چانعا قىتايداعى قانداستارىمىز شاپان جاپتى. حالىق ءانىن شىرقاپ، قازاقى ءداستۇردى تانىستىردى. كادردا تانىمال اكتەر "اق شاشۋ" انىنە قوسىلىپ ءان سالىپ، بيلەگەن، دەپ حابارلايدى
"ادىرنا" ۇلتتىق پورتالى.
"Qazaqstan 24/7" Telegram ارناسىندا جاريالانعان اقپاراتقا قاراعاندا، دجەكي چان ءفيلمدى ءتۇسىرۋ ءۇشىن ىلە-قازاق اۆتونوميالىق وكرۋگىنە بارعان.
"جەرگىلىكتى قازاقتار اكتەردى قارسى الىپ، شاپان جاۋىپ، ات مىنگىزدى", - دەلىنگەن حابارلامادا.Qumash_kz Instagram پابليگىنىڭ جازىلۋشىلارى دجەكي چاننىڭ مۇنداي ۆيدەوسىنا باعا بەردى:
- «وتە سۇيكىمدى»،
- «جانىم، دجەكي»
- «جاكە چانباەۆ»،
- «دجەكي ەندى جاكە»
- «ەڭ قۇرمەتتى قىتاي ازاماتى»،
- «اق شاشۋ» ەكەنىن ءتۇسىنىپ تۇرمىن، بىراق قىتايشا ءاندى تىڭداپ تۇرعاندايمىن»،
- «قازاقتاردىڭ ەڭ ماڭىزدى ميسسياسىنىڭ ءبىرى – بۇكىل الەمگە شاپان جابۋ»،
- «ادامنىڭ 75%-ى سۋدان تۇرسا، دجەكي شكافىنىڭ 99%-ى - شاپان».
ەسكە سالا كەتەيىك، قىتايدا 1,5 ميلليونعا جۋىق ەتنيكالىق قازاق تۇرادى. ولاردىڭ قازىرگى قىتايداعى جاي-كۇيى جايلى ەش ايتىلمايدى. مۇنداعى ەلدىڭ تىلەگى، قانداستاردىڭ اتاجۇرتىنا ورىلىپ، ەل اراسىنا سىڭىسكەنى.
"ادىرنا" ۇلتتىق پورتالى
ۇقساس جاڭالىقتار
