Áleýmettik jelilerdi Qazaq dástúri men ulttyq qundylyqtarymyzdyń keremeti sharlap ketti. Aty ańyzǵa aınalǵan gonkongtyq akter, kaskader, rejısser, prodıýser, senarıst jáne ekshn-rejısser Djekı Chanǵa Qytaıdaǵy qandastarymyz shapan japty. Halyq ánin shyrqap, qazaqy dástúrdi tanystyrdy. Kadrda tanymal akter "Aq shashý" ánine qosylyp án salyp, bılegen, dep habarlaıdy
"Adyrna" ulttyq portaly.
"Qazaqstan 24/7" Telegram arnasynda jarııalanǵan aqparatqa qaraǵanda, Djekı Chan fılmdi túsirý úshin Ile-Qazaq avtonomııalyq okrýgine barǵan.
"Jergilikti qazaqtar akterdy qarsy alyp, shapan jaýyp, at mingizdi", - delingen habarlamada.
Qumash_kz Instagram pablıginiń jazylýshylary Djekı Channyń mundaı vıdeosyna baǵa berdi:
- «Óte súıkimdi»,
- «Janym, Djekı»
- «Jáke Chanbaev»,
- «Djekı endi Jáke»
- «Eń qurmetti Qytaı azamaty»,
- «Aq shashý» ekenin túsinip turmyn, biraq qytaısha ándi tyńdap turǵandaımyn»,
- «Qazaqtardyń eń mańyzdy mıssııasynyń biri – búkil álemge shapan jabý»,
- «Adamnyń 75%-y sýdan tursa, Djekı shkafynyń 99%-y - shapan».
Eske sala keteıik, Qytaıda 1,5 mıllıonǵa jýyq etnıkalyq qazaq turady. Olardyń qazirgi Qytaıdaǵy jaı-kúıi jaıly esh aıtylmaıdy. Mundaǵy eldiń tilegi, qandastardyń atajurtyna orylyp, el arasyna sińiskeni.
"Adyrna" ulttyq portaly
