«AMANAT» پارتياسىنىڭ رەسپۋبليكالىق سايلاۋالدى شتابى جامبىل وبلىسىنا كەلدى. شتاب مۇشەلەرى كوپبالالى انالارمەن، ەڭبەك ۇجىمدارىمەن، شارۋالارمەن جانە قاراتاۋ قالاسىنىڭ تۇرعىندارىمەن كەزدەستى.
تارازدا كوپبالالى جانە ەرەكشە قاجەتتىلىكتەرى بار بالالاردى تاربيەلەپ وتىرعان انالارمەن كەزدەسۋ ءوتتى.
«بۇگىندە ايەلدەر ءوز ىسكەرلىگى مەن قابىلەت-قارىمىنىڭ ارقاسىندا بارلىق سالادا تابىستى ەڭبەك ەتىپ ءجۇر. ولاردىڭ ۇرپاق تاربيەسىنە قوسىپ وتىرعان ۇلەسى دە ۇشان-تەڭىز. سوندىقتان انا مەن بالاعا ايرىقشا قامقورلىق جاساۋ، الەۋمەتتىك ينفراقۇرىلىمدى دامىتۋ، ايەلدەر قۇقىعىن قورعاۋ – «AMANAT»-تىڭ نەگىزگى باسىمدىعى، - دەپ اتاپ ءوتتى پارتيا توراعاسى ەرلان قوشانوۆ.
وسىعان بايلانىستى پارتيا جالاقى مەن لاۋازىم ادامنىڭ جىنىسىنا ەمەس، داعدىسىنا قاراي بولىنەتىن ينكليۋزيۆتى مادەنيەت پەن گەندەرلىك تەڭدىك قالىپتاستىرۋدى كوزدەيدى.
«حالىقپەن بىرگە!» سايلاۋالدى باعدارلاماسىندا ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلاردى الەۋمەتتىك قولداۋ شارالارىنا ايرىقشا نازار اۋدارىلعان.
وسىلايشا، جاڭا ۇيىمدار جەلىسى – اۋتيزمگە شالدىققان بالالارعا ارنالعان ورتالىقتار، مۇگەدەكتىك قاۋپىن ازايتۋعا باعىتتالعان، پاتولوگيانى ەرتەرەك انىقتاۋ ورتالىقتارى جانە اۋداندىق دەڭگەيدەگى وڭالتۋ ورتالىقتارى ىسكە قوسىلادى.
2-دەن 6 جاسقا دەيىنگى بالالارى بار بارلىق مۇقتاج وتباسى مەكتەپكە دەيىنگى ءبىلىم بەرۋ ۇيىمدارىندا ورىنمەن قامتاماسىز ەتىلەدى. سونىمەن قاتار، الداعى 5 جىلدا پارتيا وتباسىلىق-تۇرمىستىق زورلىق-زومبىلىق ءۇشىن جازانى قاتاڭداتۋ بويىنشا زاڭنامالىق وزگەرىستەر ەنگىزەدى.
بۇدان سوڭ شتاب مۇشەلەرى قاراتاۋ قالاسىنىڭ جۇرتشىلىعىمەن جۇزدەسىپ، وعان 200-دەن استام ادام قاتىستى. تۇرعىندار جۇمىسسىزدىق، كوممۋنالدىق ينفراقۇرىلىمنىڭ توزۋى، مەديتسينا قىزمەتكەرلەرىنىڭ تاپشىلىعى ماسەلەلەرىن كوتەردى.
جۇمىسسىزدىق ماسەلەسىن شەشۋ ءۇشىن 2027 جىلدىڭ سوڭىنا دەيىن «AMANAT» جامبىل وبلىسىندا ەڭ كەمى 84 مىڭ جۇمىس ورنىن اشۋعا اتسالىسادى. سونداي-اق، وڭىردە الداعى 5 جىل ىشىندە 9 مىڭ وتباسى باسپانالى بولادى.
وسى كۇنى «قازفوسفات» مينەرالدى تىڭايتقىشتار زاۋىتىنىڭ ەڭبەك ۇجىمىمەن كەزدەسۋ ءوتتى. پارتيالىقتار ەڭبەك ادامىن قولداۋعا جانە وندىرىستەردەگى قاۋىپسىزدىكتى ارتتىرۋعا باعىتتالعان نەگىزگى باسىمدىقتار تۋرالى ايتتى.
دايىنداعان: "AMANAT" پارتياسىنىڭ ءباسپاسوز قىزمەتى
“AMANAT” پارتياسىنىڭ سايلاۋ قورى قاراجاتى ەسەبىنەن تولەندى.
