«AMANAT» partııasynyń Respýblıkalyq saılaýaldy shtaby Jambyl oblysyna keldi. Shtab músheleri kópbalaly analarmen, eńbek ujymdarymen, sharýalarmen jáne Qarataý qalasynyń turǵyndarymen kezdesti.
Tarazda kópbalaly jáne erekshe qajettilikteri bar balalardy tárbıelep otyrǵan analarmen kezdesý ótti.
«Búginde áıelder óz iskerligi men qabilet-qarymynyń arqasynda barlyq salada tabysty eńbek etip júr. Olardyń urpaq tárbıesine qosyp otyrǵan úlesi de ushan-teńiz. Sondyqtan ana men balaǵa aıryqsha qamqorlyq jasaý, áleýmettik ınfraqurylymdy damytý, áıelder quqyǵyn qorǵaý – «AMANAT»-tyń negizgi basymdyǵy, - dep atap ótti partııa Tóraǵasy Erlan Qoshanov.
Osyǵan baılanysty partııa jalaqy men laýazym adamnyń jynysyna emes, daǵdysyna qaraı bólinetin ınklıýzıvti mádenıet pen genderlik teńdik qalyptastyrýdy kózdeıdi.
«Halyqpen birge!» saılaýaldy baǵdarlamasynda erekshe qajettilikteri bar balalardy tárbıelep otyrǵan otbasylardy áleýmettik qoldaý sharalaryna aıryqsha nazar aýdarylǵan.
Osylaısha, jańa uıymdar jelisi – aýtızmge shaldyqqan balalarǵa arnalǵan ortalyqtar, múgedektik qaýpin azaıtýǵa baǵyttalǵan, patologııany erterek anyqtaý ortalyqtary jáne aýdandyq deńgeıdegi ońaltý ortalyqtary iske qosylady.
2-den 6 jasqa deıingi balalary bar barlyq muqtaj otbasy mektepke deıingi bilim berý uıymdarynda orynmen qamtamasyz etiledi. Sonymen qatar, aldaǵy 5 jylda partııa otbasylyq-turmystyq zorlyq-zombylyq úshin jazany qatańdatý boıynsha zańnamalyq ózgerister engizedi.
Budan soń shtab músheleri Qarataý qalasynyń jurtshylyǵymen júzdesip, oǵan 200-den astam adam qatysty. Turǵyndar jumyssyzdyq, kommýnaldyq ınfraqurylymnyń tozýy, medıına qyzmetkerleriniń tapshylyǵy máselelerin kóterdi.
Jumyssyzdyq máselesin sheshý úshin 2027 jyldyń sońyna deıin «AMANAT» Jambyl oblysynda eń kemi 84 myń jumys ornyn ashýǵa atsalysady. Sondaı-aq, óńirde aldaǵy 5 jyl ishinde 9 myń otbasy baspanaly bolady.
Osy kúni «Qazfosfat» mıneraldy tyńaıtqyshtar zaýytynyń eńbek ujymymen kezdesý ótti. Partııalyqtar eńbek adamyn qoldaýǵa jáne óndiristerdegi qaýipsizdikti arttyrýǵa baǵyttalǵan negizgi basymdyqtar týraly aıtty.
Daıyndaǵan: "AMANAT" partııasynyń baspasóz qyzmeti
Tapsyrys berýshi: M.J. Ospanov
“AMANAT” partııasynyń saılaý qory qarajaty esebinen tólendi.
