ەكىباستۇز جىلۋ ەلەكتر ورتالىعىندا قالاعا بەرەتىن سۋدىڭ تەمپەراتۋراسى ءتۇسىپ كەتتى. بۇل تۋرالى «ەكىباستۇزجىلۋەنەرگو» جشس مالىمەدەدى, دەپ حابارلايدى، “ادىرنا” ۇلتتىق پورتالى.
مالىمەت بويىنشا، 4 ناۋرىز كۇنگى ساعات 21:00-دە 9,2/2.0 كگ/سم2 قىسىمى جاعدايىندا جەو-دان شىعاتىن سۋ تەمپەراتۋراسى 46 گرادۋستى قۇرادى.
«ستانتسيادا ءتورت قازاندىق: №6, 9, 14, 15 قازاندىقتارى جۇمىس ىستەپ تۇر. الداعى تاۋلىكتە №5 جانە №11 قازاندىقتاردى دا ىسكە قوسۋ جوسپارلانۋدا. بۇل تەمپەراتۋرانى 65 گرادۋستان اسىرۋعا مۇمكىندىك بەرەدى»، - دەدى كاسىپورىندا.دۇيسەنبى كۇنى جوندەۋ جۇمىستارى اياقتالعان سوڭ №12 قازاندىقتى دا ىسكە قوسۋ جوسپارلانعان. ستانتسيا قىزمەتكەرلەرى جوندەۋ جۇمىستارىن تاۋلىك بويى جۇرگىزۋدە. ايتا كەتەيىك، جەو-دان شىعاتىن (بەرىلەتىن) جەلىلىك سۋدىڭ تەمپەراتۋراسى 65-70 گرادۋس بولسا، وڭتايلى تەمپەراتۋرا سانالادى. ەسكە سالايىق، 18 اقپان كۇنى تۇندە ەكىباستۇز جەو-دا سۋ جىلىتۋ بولىگىنىڭ جىلۋ جەلىسىن بەرۋ كوللەكتورى زاقىمداندى.
ۇقساس جاڭالىقتار
