Ekibastuz jylý elektr ortalyǵynda qalaǵa beretin sýdyń temperatýrasy túsip ketti. Bul týraly «Ekibastuzjylýenergo» JShS málimededi, dep habarlaıdy, “Adyrna” ulttyq portaly.
Málimet boıynsha, 4 naýryz kúngi saǵat 21:00-de 9,2/2.0 kg/sm2 qysymy jaǵdaıynda JEO-dan shyǵatyn sý temperatýrasy 46 gradýsty qurady.
«Stanııada tórt qazandyq: №6, 9, 14, 15 qazandyqtary jumys istep tur. Aldaǵy táýlikte №5 jáne №11 qazandyqtardy da iske qosý josparlanýda. Bul temperatýrany 65 gradýstan asyrýǵa múmkindik beredi», - dedi kásiporynda.
Dúısenbi kúni jóndeý jumystary aıaqtalǵan soń №12 qazandyqty da iske qosý josparlanǵan. Stanııa qyzmetkerleri jóndeý jumystaryn táýlik boıy júrgizýde.
Aıta keteıik, JEO-dan shyǵatyn (beriletin) jelilik sýdyń temperatýrasy 65-70 gradýs bolsa, ońtaıly temperatýra sanalady.
Eske salaıyq, 18 aqpan kúni túnde Ekibastuz JEO-da sý jylytý bóliginiń jylý jelisin berý kollektory zaqymdandy.
