Ekıbastūz jylu elektr ortalyǧynda qalaǧa beretın sudyŋ temperaturasy tüsıp kettı. Būl turaly «Ekıbastūzjyluenergo» JŞS mälımededı, dep habarlaidy, “Adyrna” ūlttyq portaly.
Mälımet boiynşa, 4 nauryz küngı saǧat 21:00-de 9,2/2.0 kg/sm2 qysymy jaǧdaiynda JEO-dan şyǧatyn su temperaturasy 46 gradusty qūrady.
«Stansiiada tört qazandyq: №6, 9, 14, 15 qazandyqtary jūmys ıstep tūr. Aldaǧy täulıkte №5 jäne №11 qazandyqtardy da ıske qosu josparlanuda. Būl temperaturany 65 gradustan asyruǧa mümkındık beredı», - dedı käsıporynda.Düisenbı künı jöndeu jūmystary aiaqtalǧan soŋ №12 qazandyqty da ıske qosu josparlanǧan. Stansiia qyzmetkerlerı jöndeu jūmystaryn täulık boiy jürgızude. Aita keteiık, JEO-dan şyǧatyn (berıletın) jelılık sudyŋ temperaturasy 65-70 gradus bolsa, oŋtaily temperatura sanalady. Eske salaiyq, 18 aqpan künı tünde Ekıbastūz JEO-da su jylytu bölıgınıŋ jylu jelısın beru kollektory zaqymdandy.
Ūqsas jaŋalyqtar
