"جان ساقتاۋ ءۇشىن قۇرت-قۇمىرسقا جەدىم" - امازونكا دجۋنگليىندە اداسقان ەر ادامنىڭ ازاپقا تولى 31 كۇنى

2058
Adyrna.kz Telegram

امازونكا دجۋنگليىندە اداسىپ كەتكەن ەر ادام قۇرتتارمەن، شۇبالشىنمەن قورەكتەنىپ، جانىن ساقتاپ قالعان. ول 31 كۇننەن كەيىن تابىلدى. بۇل جايدى "ادىرنا" ۇلتتىق پورتالى "Independent" باسىلىمىنا سىلتەمە كورسەتە وتىرىپ باياندايدى.

30 جاستاعى دجوناتان اكوستا دجۋنگليدە اڭ اۋلاپ ءجۇرىپ اداسادى. ول بوليۆيانىڭ سولتۇستىگىندەگى قالىڭ نۋ جىنىس اراسىندا ءتورت دوسىنان كوز جازىپ قالعان.

اڭشى قۇرت جانە باسقا دا جاندىكتەردى جەپ، ەتىككە جينالعان جاڭبىر سۋىن ىشكەنىن، سونىمەن قاتار شوشقا ءتارىزدى جابايى سۇتقورەكتىلەردەن قورعانعانىن ايتادى.

اكوستا اداسىپ كەتكەن ارالىقتا، شامامەن، 17 كگ سالماق جوعالتقان، توبىعى شىققان. ونى جەرگىلىكتى تۇرعىندار مەن دوستارىنان قۇرالعان ىزدەۋ توبى تاپقاندا شولىركەپ، ساندىراقتاپ جاتقان ەدى.

"مىنە، كەرەمەت! مەن ادامداردىڭ ۇزاق ۋاقىت بويى مەنىڭ سوڭىما ءتۇسىپ، تاباندىلىقپەن ىزدەگەنىنە العىس ايتامىن، تاڭدانىسىمدى جاسىرا المايمىن", — دەدى ەكى كوزى جاسقا تولعان ازامات.

اداسقاندا ول جاندىكتەرمەن قورەكتەندى، جابايى پاپايا ءتارىزدى جەمىستەردى جەيدى.

اكوستا باسىنان كەشىرگەن سىناقتان كەيىن اڭشىلىقتان ءبىرجولا باس تارتۋعا شەشىم قابىلداعانى تۋرالى حابارلاندى.

پوليتسيا ءتىرى قالعان ادامنىڭ ءتورت دوسىن تەرگەۋگە الدى، ولاردان اكوستانىڭ قالاي ءبولىنىپ قالعانىن سۇراستىرماق.

"ادىرنا" ۇلتتىق پورتالى 

پىكىرلەر