اتىراۋدا ەر ادام سوتتا ءوزىن ولتىرمەك بولعان، دەپ حابارلايدى "ادىرنا" ۇلتتىق پورتالى اقجايىق باسىلىمىنا سىلتەپ.
سوت زالىندا 40 جاستاعى ەر ادام قاعاز كەسۋگە ارنالعان پىشاقپەن ءوز تامىرىن كەسكەن. سوتتالۋشىنىڭ وقىس ارەكەتى قر اقبتك-ءنىڭ 608-بابى ("كولىك قۇرالىن الكوگولدىك، ەسىرتكىلىك جانە (نەمەسە) ۋىتقۇمارلىق ماساڭ كۇيدە باسقارۋ") بويىنشا 1,5 جىل مەرزىمگە باس بوستاندىعىنان ايىرۋ تۇرىندە ۇكىم شىعارعان سوت شەشىمىمەن كەلىسپەۋ بەلگىسى رەتىندە جاسالعان.
باسىلىمنىڭ مالىمەتىنشە، بۇل سوت اتىراۋلىق تۇرعىنىنىڭ العاشقى سوت وتىرىسى ەمەس. ول بۇعان دەيىن قر قك 389-بابى ء("وزىن-ءوزى ۇستاي الماۋ") بويىنشا سوتتالعان.
الەۋمەتتىك جەلىدەگى سۋرەتتەردە سوت زالىنداعى ەدەننىڭ قان بولعانىن كورۋگە بولادى. ەر ادام سوتتا شاراسىزدىقتان وسىنداي ارەكەتكە بارعانىن ايتقان.
"مەن شارشادىم، قايتا-قايتا تۇرمەگە تۇسەمىن. شىققانىما ءبىر جارىم اي عانا بولدى. ەشقانداي ادىلەتسىزدىك جوق، ءوزىمدى ولتىرە سالامىن", – دەلىنگەن جۋرناليستەردىڭ اقپاراتىنشا.
