Amazonka djýnglıinde adasyp ketken er adam qurttarmen, shubalshynmen qorektenip, janyn saqtap qalǵan. Ol 31 kúnnen keıin tabyldy. Bul jaıdy "Adyrna" ulttyq portaly "Independent" basylymyna silteme kórsete otyryp baıandaıdy.
30 jastaǵy Djonatan Akosta Djýnglıde ań aýlap júrip adasady. Ol Bolıvııanyń soltústigindegi qalyń ný jynys arasynda tórt dosynan kóz jazyp qalǵan.
Ańshy qurt jáne basqa da jándikterdi jep, etikke jınalǵan jańbyr sýyn ishkenin, sonymen qatar shoshqa tárizdi jabaıy sútqorektilerden qorǵanǵanyn aıtady.
Akosta adasyp ketken aralyqta, shamamen, 17 kg salmaq joǵaltqan, tobyǵy shyqqan. Ony jergilikti turǵyndar men dostarynan quralǵan izdeý toby tapqanda shólirkep, sandyraqtap jatqan edi.
"Mine, keremet! Men adamdardyń uzaq ýaqyt boıy meniń sońyma túsip, tabandylyqpen izdegenine alǵys aıtamyn, tańdanysymdy jasyra almaımyn", — dedi eki kózi jasqa tolǵan azamat.
Adasqanda ol jándiktermen qorektendi, jabaıy Papaııa tárizdi jemisterdi jeıdi.
Akosta basynan keshirgen synaqtan keıin ańshylyqtan birjola bas tartýǵa sheshim qabyldaǵany týraly habarlandy.
Polıııa tiri qalǵan adamnyń tórt dosyn tergeýge aldy, olardan Akostanyń qalaı bólinip qalǵanyn surastyrmaq.
"Adyrna" ulttyq portaly
