وتكەن جىلدىڭ قىسىندا ءىز-ءتۇزسىز جوعالعان ەر ادامنىڭ ءمايىتى تابىلدى، دەپ حابارلايدى "ادىرنا" ۇلتتىق پورتالى Lider.kz-كە سىلتەپ.
بەلگىلى بولعانداي، كولومىتسەۆ پاۆەل ميحايلوۆيچ 2025 جىلعى 13 جەلتوقساندا جوعالىپ كەتكەن. سول كۇنى ساعات 15:30 شاماسىندا ول سوڭعى رەت بايلانىسقا شىعىپ، سودان كەيىن حابار-وشارسىز كەتكەن.
پوليتسيا دەرەگىنە سايكەس، ەر ادامنىڭ تەلەفونى قىزىلوردا وبلىسى ماڭىنداعى تالسۋات اۋىلىندا سونگەنى انىقتالعان.
ىزدەستىرۋ جۇمىستارى بارىسىندا ەر ادامنىڭ بەلگىلەرى دە جاريالانعان. جوعالعان كۇنى ونىڭ ۇستىندە قارا ءتۇستى كۇرتەشە، قارا شالبار، قارا كروسسوۆكي جانە توقىما باس كيىم بولعان.
ەرىكتىلەردىڭ مالىمەتىنشە، ەر ادامنىڭ دەنەسى 2026 جىلعى 30 ناۋرىزدا تابىلعان. وقيعانىڭ ءمان-جايى انىقتالىپ جاتىر.
ۇقساس جاڭالىقتار
