جامبىل اۋدانىندا 62 جاستاعى ەر ادام بۇرىن بىرگە تۇرعان ايەلگە قاتىستى شىعارىلعان قورعاۋ نۇسقاماسىنىڭ تالاپتارىن بىرنەشە رەت بۇزعان، دەپ حابارلايدى "ادىرنا".
سول ءۇشىن ول 10 تاۋلىككە اكىمشىلىك قاماۋعا الىندى.
پروكۋراتۋرانىڭ مالىمەتىنشە، 2026 جىلدىڭ باسىنان بەرى ايەلدىڭ مەكەنجايىنا وتباسىلىق-تۇرمىستىق جانجالعا بايلانىستى ءتورت رەت حابارلاما تۇسكەن.
تەكسەرۋ بارىسىندا ەر ادامنىڭ بىرنەشە جىل بويى بۇرىن بىرگە تۇرعان ايەلدىڭ ۇيىنە كەلىپ، جانجال شىعارعانى، ونىڭ وتباسى مۇشەلەرىنە قورقىتۋ سوزدەرىن ايتقانى جانە ايەلگە كۇش قولدانعانى انىقتالعان. ايەلدىڭ مۇگەدەكتىگى بار.
بۇعان دەيىن ەر ادام اكىمشىلىك جاۋاپكەرشىلىككە تارتىلىپ، وعان قورعاۋ نۇسقاماسى شىعارىلعان. الايدا ول نۇسقاما تالاپتارىن قايتادان بۇزعان.
سوت ەر ادامدى قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنىڭ 461-بابىندا كوزدەلگەن قۇقىق بۇزۋشىلىقتى جاساعانى ءۇشىن كىنالى دەپ تانىپ، 10 تاۋلىككە اكىمشىلىك قاماۋعا الۋ تۋرالى شەشىم شىعاردى.
سوت قاۋلىسى 4 تامىزدا قابىلدانعان.
