استانالىق جەلىدە تانىسقان جىگىتكە 90 ملن تەڭگە اۋدارعان

2456
Adyrna.kz Telegram

ەلوردا تۇرعىنى الەۋمەتتىك جەلى ارقىلى تانىسقان جىگىتكە 90 ميلليون تەڭگەدەن اسا اقشا اۋدارىپ، الدانىپ قالدى، دەپ حابارلايدى «ادىرنا» ءتىلشىسى.

ەر ادام جابىرلەنۋشىمەن الەۋمەتتىك جەلىدە حات الماسۋ بارىسىندا ونى ۇناتىپ قالعانىن جەتكىزگەن. سونداي-اق ءوزىن بانكروتتىق ساتىدا تۇرعان زاۋىت ديرەكتورىمىن دەپ تانىستىرىپ، شىندىققا جاناسپايتىن مالىمەتتەردى، سونىڭ ىشىندە جاقىن تۋىستارىنىڭ قايتىس بولعانىن حابارلاپ ءارى قولما-قول اقشاعا وتە مۇقتاج ەكەنىن ايتىپ سەندىرگەن. ءوز كەزەگىندە جابىرلەنۋشى بەلگىلى ءبىر ۋاقىت ارالىعىندا وعان ونلاين-بانكتىك اۋدارىمدار ارقىلى ءار ءتۇرلى سومادا اقشا اۋدارىپ وتىرعان. وسىنداي قىلمىستىق ءىس-ارەكەتتەرىنىڭ ناتيجەسىندە ت. جابىرلەنۋشىگە 91,6 ملن. تەڭگە سوماسىندا اسا ءىرى مولشەردە ماتەريالدىق زالال كەلتىرگەن. زالال وتەلمەگەن.

ەر ادامنىڭ ءىس-ارەكەتتەرى الاياقتىق، ياعني اقپاراتتىق تەحنولوگيالاردى قولدانا وتىرىپ بوتەننىڭ مۇلكىن ءىرى مولشەردە ۇرلاۋ رەتىندە سارالاندى.

اپەللياتسيالىق شاعىمىندا سوتتالعان ادام تاعايىندالعان جازانى جەڭىلدەتۋدى، اسىراۋىندا كامەلەتكە تولماعان 5 بالانىڭ بار ەكەنىن، زايىبىنىڭ جۇمىس ىستەمەيتىنىن، سونداي-اق دەنساۋلىق جاعدايىن ەسكەرۋدى سۇرادى. الايدا سوت ۇكىمى وزگەرىسسىز قالدىرىلدى.

پىكىرلەر