Elorda turǵyny áleýmettik jeli arqyly tanysqan jigitke 90 mıllıon teńgeden asa aqsha aýdaryp, aldanyp qaldy, dep habarlaıdy «Adyrna» tilshisi.
Er adam jábirlenýshimen áleýmettik jelide hat almasý barysynda ony unatyp qalǵanyn jetkizgen. Sondaı-aq ózin bankrottyq satyda turǵan zaýyt dırektorymyn dep tanystyryp, shyndyqqa janaspaıtyn málimetterdi, sonyń ishinde jaqyn týystarynyń qaıtys bolǵanyn habarlap ári qolma-qol aqshaǵa óte muqtaj ekenin aıtyp sendirgen. Óz kezeginde jábirlenýshi belgili bir ýaqyt aralyǵynda oǵan onlaın-banktik aýdarymdar arqyly ár túrli somada aqsha aýdaryp otyrǵan. Osyndaı qylmystyq is-áreketteriniń nátıjesinde T. jábirlenýshige 91,6 mln. teńge somasynda asa iri mólsherde materıaldyq zalal keltirgen. Zalal ótelmegen.
Er adamnyń is-áreketteri alaıaqtyq, ıaǵnı aqparattyq tehnologııalardy qoldana otyryp bótenniń múlkin iri mólsherde urlaý retinde saralandy.
Apellıaııalyq shaǵymynda sottalǵan adam taǵaıyndalǵan jazany jeńildetýdi, asyraýynda kámeletke tolmaǵan 5 balanyń bar ekenin, zaıybynyń jumys istemeıtinin, sondaı-aq densaýlyq jaǵdaıyn eskerýdi surady. Alaıda sot úkimi ózgerissiz qaldyryldy.
