«ەڭ اۋەلى اللاعا شۇكىر ەتەمىن. اسقارىما باس ءيىپ راحمەتىمدى ايتامىن. مەنىڭ جان-جارىم بولعانى ءۇشىن، جاقسى-جامان كۇندەردە ارقاشان جانىمنان تابىلعانى ءۇشىن، بارلىق ەركەلىگىمدى كوتەرە العانى ءۇشىن، سۇيىكتى جارىم دەپ مەنى عانا اتاعانى ءۇشىن، ءتاپ-ءتاتتى قىزدارىمىزدىڭ اكەسى بولعانى ءۇشىن، اكە دەگەن قۇرمەتتى اتقا لايىق بولعانى ءۇشىن، ءبىزدىڭ ارقا-سۇيەر تىرەگىمىز بولىپ، جان-جىلۋىن توككەنى ءۇشىن، جۇمىستان ۇيگە قايتقاندا ۇنەمى كۇلىپ كىرىپ، جارىق شۋاق سىيلاعانى ءۇشىن، مەنى، بالالاردى قۋانتۋ ءۇشىن بار جاعدايدى جاساعانى ءۇشىن، وتباسى ءۇشىن كۇنى-ءتۇنى دەمەي ەڭبەك ەتۋگە ءازىر بولعانى ءۇشىن، باقىتتى وتباسى بولۋعا بارىنشا تالپىنعانى ءۇشىن العىسىم شەكسىز. العىس ايتۋدان شارشامايمىن دا.
ودان كەيىن اتا-اناما، باۋىرلارىما، اعايىن تۋىسقاندارىما العىسىمدى ايتامىن. العىسىمدى جابىققاندا جانىمنان تابىلعان، قينالعاندا ماعان قارايلاسقان، ماعان دەمەۋ بولعان دوستارىما ايتامىن. جانە دە ءبىزدىڭ تىلەۋىمىزدى تىلەپ، ۇنەمى دۇعالارىڭىزعا قوسىپ جۇرگەن سىزدەرگە دە العىسىمدى ايتامىن. ۇمىتپاڭىز! مۇسىلماننىڭ ءار كۇنى العىسقا تولى! ءبىز ۇنەمى تىلىمىزبەن دە، جۇرەگىمىزبەن دە اللاعا، ادامدارعا العىس ايتۋدان تىنباۋىمىز كەرەك»، - دەپ جازدى انەل زابيكۋلينا.
"ادىرنا" ۇلتتىق پورتالى
