"Asqaryma bas ıip rahmetimdi aıtamyn": Erlikpen qaza tapqan batyrdyń jubaıy áserli jazba jarııalady

2333
Adyrna.kz Telegram
Erlikpen qaza tapqan órt sóndirýshi Asqar Zabıkýlınniń jary Ánel óziniń Instagram paraqshasynda jantebirenterlik jazba jarııalady, dep habarlaıdy "Adyrna" ulttyq portaly. 

«Eń áýeli Allaǵa shúkir etemin. Asqaryma bas ıip rahmetimdi aıtamyn. Meniń jan-jarym bolǵany úshin, jaqsy-jaman kúnderde árqashan janymnan tabylǵany úshin, barlyq erkeligimdi kótere alǵany úshin, súıikti jarym dep meni ǵana ataǵany úshin, táp-tátti qyzdarymyzdyń ákesi bolǵany úshin, áke degen qurmetti atqa laıyq bolǵany úshin, bizdiń arqa-súıer tiregimiz bolyp, jan-jylýyn tókkeni úshin, jumystan úıge qaıtqanda únemi kúlip kirip, jaryq shýaq syılaǵany úshin, meni, balalardy qýantý úshin bar jaǵdaıdy jasaǵany úshin, otbasy úshin kúni-túni demeı eńbek etýge ázir bolǵany úshin, baqytty otbasy bolýǵa barynsha talpynǵany úshin alǵysym sheksiz. Alǵys aıtýdan sharshamaımyn da.

Odan keıin ata-anama, baýyrlaryma, aǵaıyn týysqandaryma alǵysymdy aıtamyn. Alǵysymdy jabyqqanda janymnan tabylǵan, qınalǵanda maǵan qaraılasqan, maǵan demeý bolǵan dostaryma aıtamyn. Jáne de bizdiń tileýimizdi tilep, únemi duǵalaryńyzǵa qosyp júrgen Sizderge de alǵysymdy aıtamyn. Umytpańyz! Musylmannyń ár kúni alǵysqa toly! Biz únemi tilimizben de, júregimizben de Allaǵa, adamdarǵa alǵys aıtýdan tynbaýymyz kerek», - dep jazdy Ánel Zabıkýlına.

"Adyrna" ulttyq portaly 

Pikirler