كەشە اقش-تىڭ مەملەكەتتىك حاتشىسى ەنتوني بلينكەن استاناعا كەلىپ كەتتى. ول رەسمي ساپارىنان كەيىن قازاق تىلىندە الەۋمەتتىك جەلىدەگى پاراقشاسىندا جازبا جاريالادى، دەپ حابارلايدى “ادىرنا” ۇلتتىق پورتالى.
ول جازباسىندا مەملەكەتىمىزدىڭ باسشىسىنا جانە سىرتقى ىستەر مينيسترلىگىنە العىسىن جەتكىزگەن.
“مەنىڭ ساپارىم ءساتتى، كەزدەسۋلەرىم تابىستى بولدى. قۇرمەتپەن قارسى الىپ، س5+1 كەزدەسۋىن ۇيىمداستىرعانى ءۇشىن قازاقستان پرەزيدەنتى توقاەۆ پەن سىرتقى ىستەر مينيسترلىگىنە العىس ايتامىن”، – دەپ جازدى اقش مەملەكەتتىك حاتشىسى.
ەسكە سالايىق، بلينكەننىڭ استاناعا ساپارى اياسىندا قر پرەزيدەنتى قاسىم-جومارت توقاەۆپەن جانە سىرتقى ىستەر ءمينيسترى مۇحتار تىلەۋبەردىمەن كەزدەستى.
سونداي-اق، ورتالىق ازياداعى بەس رەسپۋبليكا وكىلدەرىمەن «س5+1» فورماتىنداعى مينيسترلەر كەزدەسۋىنە قاتىستى.
