سىرتقى ىستەر ءمينيسترى ەرمەك كوشەرباەۆ رەسەيگە رەسمي ساپارمەن باردى، دەپ حابارلايدى «ادىرنا» ءتىلشىسى.
باعدارلاما ماسكەۋدەگى بەلگىسىز جاۋىنگەر بەيىتىنە گۇل شوعىن قويۋ راسىمىنەن باستالدى.
سەرگەي لاۆروۆ ەرمەك كوشەرباەۆتىڭ مينيستر رەتىندەگى العاشقى رەسمي ساپارىن رەسەيگە جاساۋى ەكى ەل اراسىنداعى ەرەكشە بايلانىستى جانە سەرىكتەستىكتىڭ باسىمدىعىن كورسەتەتىنىن ايتتى.
«العاشقى رەسمي ساپارىڭىزدى رەسەيگە جاساۋىڭىزدىڭ ءوزى كوپ نارسەنى اڭعارتادى. ول – رەسەي مەن قازاقستان اراسىنداعى سەرىكتەستىك، وداقتاستىق جانە ينتەگراتسيالىق ءوزارا ءىس-قيمىلدىڭ باسىمدىعىن ايقىندايدى»،—دەدى لاۆروۆ.
بۇگىن قازاقستان ءسىم باسشىسى رەسەيدىڭ سىرتقى ىستەر ءمينيسترى سەرگەي لاۆروۆپەن ساياسي، ساۋدا-ەكونوميكالىق، مادەني-گۋمانيتارلىق جانە وزگە دە سالالارداعى ءوزارا ءىس-قيمىلدىڭ وزەكتى ماسەلەلەرىن جان-جاقتى تالقىلايدى.
