بۇۇ باس اسسامبلەياسى كەزەكتەن تىس سەسسياسىندا رەسەيدى سوعىس قيمىلدارىن توقتاتۋعا شاقىرىپ، اسكەرلەرىن ۋكراينادان شىعارۋدى تالاپ ەتەتىن قارار قابىلدادى، دەپ حابارلايدى «ادىرنا» ءتىلشىسى.
باس حاتشى انتونيۋ گۋتەرريشتىڭ ايتۋىنشا، بۇل باسقىنشىلىق ارەكەتى الەمنىڭ ۇجىمدىق ار-وجدانىنا نۇقسان كەلتىرەدى.
قۇجاتتى 141 مەملەكەت قولدادى. ال 32 مەملەكەت قالىس قالدى، ونىڭ ىشىندە قىتاي، ارمەنيا، قازاقستان، بوليۆيا، كۋبا، يران جانە ءۇندىستان بار. رەسەي مەن بەلارۋستى قوسقاندا جەتى مەملەكەت قارسى داۋىس بەردى.
ايتا كەتەيىك، قاراردا «بۇۇ جارعىسى پرينتسيپتەرى نەگىزىندە تۇتاس، ءادىل جانە تۇراقتى بەيبىتشىلىكتى» ىزدەۋ قاجەت ەكەنى ايتىلعان.
