BUU Bas assambleıasy kezekten tys sessııasynda Reseıdi soǵys qımyldaryn toqtatýǵa shaqyryp, áskerlerin Ýkraınadan shyǵarýdy talap etetin qarar qabyldady, dep habarlaıdy «Adyrna» tilshisi.
Bas hatshy Antonıý Gýterrıshtiń aıtýynsha, bul basqynshylyq áreketi álemniń ujymdyq ar-ojdanyna nuqsan keltiredi.
Qujatty 141 memleket qoldady. Al 32 memleket qalys qaldy, onyń ishinde Qytaı, Armenııa, Qazaqstan, Bolıvııa, Kýba, Iran jáne Úndistan bar. Reseı men Belarýsti qosqanda jeti memleket qarsy daýys berdi.
Aıta keteıik, qararda «BUU jarǵysy prınıpteri negizinde tutas, ádil jáne turaqty beıbitshilikti» izdeý qajet ekeni aıtylǵan.
