ءانشى تورەعالي تورەالىنى قورعاۋشى ادۆوكاتتار ونىڭ كەشەگى ارەكەتىنە بارۋىنىڭ سەبەبىن ءتۇسىندىردى. ايتۋىنشا، ءانشى اۋەجايعا اسىعىپ، قاتتى جىلدامدىقپەن بارا جاتقان تۇسىندا پوليتسەيلەر توقتاتقان ەكەن، دەم حابارلايدى “ادىرنا” ۇلتتىق پورتالى.
جالپى پوليتسيا تاراپى ونى توقتاتۋعا جىلدامدىقتى اسىرعانى سەبەپ بولدى دەپ وتىر. تورەعالي ۇشاققا ۇلگەرمەي جاتقانىن، ءارى قانشاما ادامنىڭ كۇتىپ قالعانىن ايتىپ تۇسىندىرگەن. الايدا ولار سوزگە كەلمەي، كولىكتەن ءتۇسۋىن تالاپ ەتىپ، كۇش كورسەتكەن. ءتىپتى باسى جەرگە قاتتى ءتيىپ، بىرنەشە دەنە جاراقاتىن العان. ونىڭ جاعدايى وتە ناشار بولدى. پوليتسيا عيماراتىندا ەشقانداي كومەك كورسەتىلمەگەن،- دەدى ادۆوكاتتار.
سونداي-اق، قورعاۋشىنىڭ ايتۋىنشا، تورەعالي تورەالى قىزىلورداعا قىزىن اپارا جاتقان. وقيعا كەزىندە ءانشىنىڭ قاسىندا ايەلى بولعان.
ەسكە سالايىق، كەشە الماتىدا پوليتسەيلەر تورەعالي تورەالىنى جول بويىندا ۇستاپ العان بولاتىن. اقپاراتقا سۇيەنسەك ول ەسىرتكى تۇتىنىپ، ماس كۇيىندە كولىك باسقارعان كورىنەدى
