بۇگىن ۇگىت-ناسيحات تۋرى جەلىسىمەن Respublica پارتياسىنىڭ جەتەكشىلەرى مەن دەپۋتاتتىققا كانديداتتارى جەتىسۋ وڭىرىنە باردى. ساپار بارىسىندا پارتيالىقتار وبلىستاعى بىرقاتار ەلدى مەكەن مەن تالدىقورعان قالاسىندا بولدى. وبلىس ورتالىعىندا «جاقتاستار» فورۋمى مەن پارتيا جەتەكشىلەرىنىڭ، دەپۋتاتتىققا كانديداتتاردىڭ جانە رەسپۋبليكالىق سايلاۋالدى شتاب مۇشەلەرىنىڭ قالا حالقىمەن كەزدەسۋى ءوتتى، وعان 1 مىڭنان استام تۇرعىن قاتىستى.
فورۋمدا Respublica پارتياسىنىڭ تەڭ توراعاسى، ءماجىلىس دەپۋتاتتىعىنا كانديدات دينارا شۇكىجانوۆا ءسوز سويلەپ، بۇل ساياسي ناۋقاننىڭ ەلىمىز ءۇشىن ماڭىزى زور ەكەنىن ايتتى. ويتكەنى، قازاقستاندا كوپ جىلداردان بەرى العاش رەت جاڭا پارتيالار تىركەلىپ، سايلاۋ باسەكەسىنە بەلسەنە قاتىسىپ جاتىر.
«ءبىز، Respublica پارتياسى جاقىندا عانا قۇرىلعانىمىزعا قاراماستان، ءبىزدىڭ قاتارىمىزداعى جاس بيزنەس وكىلدەرى ەلدەگى ەسكى، تاپتاۋرىن جۇيەنى قالاي وزگەرتۋ كەرەكتىگىن بىلەدى. ءبىز شىن پەيىلىمىزبەن ازات تا گۇلدەنگەن قازاقستاندا ءومىر سۇرگىمىز كەلەدى»، - دەدى شۇكىجانوۆا.
فورۋمعا پارتيانىڭ تەڭ توراعاسى سىرىمبەك تاۋ، پارلامەنت ءماجىلىسى دەپۋتاتتىعىنا كانديداتتار ولجاس قۇسپەكوۆ، قىرمىزى جاندوسوۆا، باقىتبەك حاميت، ەكاتەرينا سمولياكوۆا، دينارا ناۋموۆا جانە ولجاس بولاتبەكۇلى دا قاتىستى. جينىدا پارتيا مۇشەلەرى، جەرگىلىكتى كاسىپورىنداردىڭ جۇمىسشىلارى، ازاماتتار مەن قوعام بەلسەندىلەرى ەلىمىزدىڭ دامۋى مەن وركەندەۋىنە قاتىستى وي-پىكىرلەرىن ورتاعا سالدى، ۇسىنىستارىن دا جەتكىزدى. Respublica پارتياسىنىڭ سايلاۋالدى باعدارلاماسىنا ەنگىزىلگەن رەفورمالاردى جان-جاقتى تالقىلادى.
«ءبىزدىڭ پارتيا قازاقستاندىقتاردىڭ ءومىرىنىڭ بارلىق سالالارىنداعى قاجەتتى وزگەرىستەردى كورە بىلەدى. ءبىز شاعىن جانە ورتا بيزنەستى دامىتۋدى جاقتايمىز جانە بيۋروكراتيامەن، سىبايلاس جەمقورلىقپەن، نەسيەلەۋدىڭ جوعارى مولشەرلەمەسىمەن، ۇلكەن سالىق اۋىرتپالىعىمەن جانە باسقا دا پروبلەمالارمەن كۇرەسەتىن بولامىز. ءبىز قازاقستاننىڭ بارلىق ازاماتتارىنىڭ مۇددەسىن قورعاۋعا قىزمەت ەتەمىز مەملەكەتتىك ورگانداردىڭ اشىقتىعى، ادىلدىگى ءۇشىن كۇرەسەمىز», – دەدى سىرىمبەك تاۋ.
Respublica پارتياسىنىڭ مۇشەلەرى جەتىسۋ وڭىرىنە ساپارى بارىسىندا كەربۇلاق اۋدانى سارىوزەك اۋىلىنىڭ تۇرعىندارىمەن دە كەزدەسىپ، پروبلەمالارىن تىڭدادى.
سونداي-اق پارتيالىقتار وبلىستىق سايلاۋالدى شتابىندا بولىپ، وڭىردەن بەكىتىلگەن كانديداتتارىمەن پىكىرلەستى.
