«Jaqtastar» forýmy aıasynda Respublica partııasynyń halyqpen kezdesýine Taldyqorǵan qalasynyń 1 myńnan astam turǵyny qatysty

2304
Adyrna.kz Telegram
Foto: Respublica
Foto: Respublica

Búgin úgit-nasıhat týry jelisimen Respublica partııasynyń jetekshileri men depýtattyqqa kandıdattary Jetisý óńirine bardy. Sapar barysynda partııalyqtar oblystaǵy birqatar eldi meken men Taldyqorǵan qalasynda boldy. Oblys ortalyǵynda «Jaqtastar» forýmy men partııa jetekshileriniń, depýtattyqqa kandıdattardyń jáne respýblıkalyq saılaýaldy shtab músheleriniń qala halqymen kezdesýi ótti, oǵan 1 myńnan astam turǵyn qatysty.

Forýmda Respublica partııasynyń teń tóraǵasy, Májilis depýtattyǵyna kandıdat Dınara Shúkijanova sóz sóılep, bul saıası naýqannyń elimiz úshin mańyzy zor ekenin aıtty. Óıtkeni, Qazaqstanda kóp jyldardan beri alǵash ret jańa partııalar tirkelip, saılaý básekesine belsene qatysyp jatyr.

«Biz, Respublica partııasy jaqynda ǵana qurylǵanymyzǵa qaramastan, bizdiń qatarymyzdaǵy jas bıznes ókilderi eldegi eski, taptaýryn júıeni qalaı ózgertý kerektigin biledi. Biz shyn peıilimizben azat ta gúldengen Qazaqstanda ómir súrgimiz keledi», - dedi Shúkijanova.

Forýmǵa partııanyń teń tóraǵasy Syrymbek Taý, Parlament Májilisi depýtattyǵyna kandıdattar Oljas Quspekov, Qyrmyzy Jandosova, Baqytbek Hamıt, Ekaterına Smolıakova, Dınara Naýmova jáne Oljas Bolatbekuly da qatysty. Jınyda partııa músheleri, jergilikti kásiporyndardyń jumysshylary, azamattar men qoǵam belsendileri elimizdiń damýy men órkendeýine qatysty oı-pikirlerin ortaǵa saldy, usynystaryn da jetkizdi. Respublica partııasynyń saılaýaldy baǵdarlamasyna engizilgen reformalardy jan-jaqty talqylady.

«Bizdiń partııa qazaqstandyqtardyń ómiriniń barlyq salalaryndaǵy qajetti ózgeristerdi kóre biledi. Biz shaǵyn jáne orta bıznesti damytýdy jaqtaımyz jáne bıýrokratııamen, sybaılas jemqorlyqpen, nesıeleýdiń joǵary mólsherlemesimen, úlken salyq aýyrtpalyǵymen jáne basqa da problemalarmen kúresetin bolamyz. Biz Qazaqstannyń barlyq azamattarynyń múddesin qorǵaýǵa qyzmet etemiz memlekettik organdardyń ashyqtyǵy, ádildigi úshin kúresemiz», – dedi Syrymbek Taý.

Respublica partııasynyń músheleri Jetisý óńirine sapary barysynda Kerbulaq aýdany Saryózek aýylynyń turǵyndarymen de kezdesip, problemalaryn tyńdady. 

Sondaı-aq partııalyqtar oblystyq saılaýaldy shtabynda bolyp, óńirden bekitilgen kandıdattarymen pikirlesti. 

Pikirler